(مسموح دامه نواها)
ذبلت ورود الحب والقلب عطشان
محدٍ سقـــــاها لا ولحدٍ حواهـــــا
متعوب حال اللي بالحب هيمـــان
يصبح أسير الحال ويمسي رداها
لا تشتكي الفرقا وتقصدها هجران
تبغى تكحلها وقلبـــــك عمــــــاها
هذي سنون الحب ما تبغي ميزان
ميزانها شعـــور فحدود هواهــــا
يالله يا معبود، الله يا رحمــــــــن
إجمع قلوب الوفا واغفر خطاهــا
وإن كان خلي نوى يهجر الخلان
بقولها مسموح دامـــه نواهــــــا
سيف بن محمد العبري