[أنور السيفي]

شكواي لله مبتدى كل شكواي
فالك صلاة العيد يامن هويته
قربك سعيده تبتهج دوم دنياي
نبض المشاعر من ودادك رويته
سر اشتياقي في مراسيك مبناي
غيم الأماني في فوادك حويته
رقة خصالك شلتها وسط معناي
ماهي غريبه كان مثلك فديته..!
روحك عواطف تمتزج في حناياي
بستان حسنك في عياني قريته
قلت بلسانك مول ماشفت شرواي
عزّ المكانه كان مثلي شريته
لبنان آيه ماطره حيل باشياي
حلم ٍ عليم الله ياما نويته
تقصر ظلال الحلم واطراف يمناي
راضي بنصيب ٍ في وصالك لقيته
يافاهم احساسي وتركيب مغزاي
غرس الدماني في حياتي سقيته
يبشر بفال ٍ غير عن كل مبلاي
في حب من حبه ودربه مشيته..