مقصب ميدان كتبته ايام اعصار جونو
بترسم يا رســــــــأم منقطعين
ويبنا ثلج نكسر لخــــــــــــاطر
أذاك اللي مفلوع فلـــــع صار
وسالم اني ريت مـــــــــا فايل
شفنا حن الويل فالاعصـــــار
حتى النخل عــــــــــاد ما فايل
يوم نازل الصقــــــر منجبعين
وذيب البراري عـــــــــــوايلنا
صرنا حن اليـــــــوم منجبعين
تعاني تراها عـــــــــــــــوايلنا
القهوه مــــــازينه ولابن زين
وشوف الولد نام ونعــــــــاني
لا كهرب ولا مــاي ولا بنزين
وكلنا حن اليوم ونعــــــــــاني
باني ود الشيخ فله وضــــاع
وشاف الحـــرامي مشيشبكه
صامت اني صرت فالاوضاع
في كل حــــــــــاره مشيشبكه
لا تشرب ياسلمان من كوبين
ولاتحرم الولد منكـــــــــــوبه
صرنا حن اليوم منكــــــوبين
واذيه دارنا دار منكـــــــــوبه
بخوضه أذي الماي وانحمـده
واذي حكمة الرب وانحمـــده
صبحنا فهالدار منقطــــــــعين
يا صاحبي نكسر الخــــــاطر
ومنكم السموحه