[سالم الريسي]

المشاركة الأصلية كتبت بواسطة عبد الله الشعيبي

طفل الظلال اختفى بين الغياب الأخـــــــــنّ
لا مالت الشمس .. ما عاينتك اقبالــــــــــي

العمر يسري بي على مركب شراعه وطن
لا به معي قَرّ من روحي عنا حالــــــــــــي

سولفت لك يوم عنّي والحكايا تِحــِــــــــــنّ
والوقت سرّاق .. وعيون الهوى اتلالـــــي

زرقا أمانيك .. واحلامي كساها الكَفــَـــــن
وشلون ورّد خيالك فيني بوصالــــــــــي ؟

منسلّ بعضي ليوفك لين فيك استَكـَــــــــنّ
ما شافني غير كلّك منشغل بالـــــــــــــــي

لين انتبه شوق فيني والليالي غـَــــــــدَن
مثل المواعيد تنشد عنّي الـ حالـــــــــــي

تعال .. ودّي أقرّب منك .. فيني وَهــَــــن
ما غير روحك بها أحيا وتحلى لــــــــــي

قالو لي ابعد ترا هذا الهوى ما سَكَــــــن
وشلون يدرون عن من هو سكن بالي ؟

غفرت للبعد .. دام البعد ريقه حَبــــَــــن
واتوكّل الصبر يقرا مشهدي التالـــــــي

يكفيني انّك تِعَرف انّي نويتك دَعـَــــــن
الله ما احلاه من وقت انت به غالــــي

مسقط – 2010

عبدالله

لن أنبش أغوار هذا النص لاني لا أملك الأدوات كامله

فقط

سوف أمر المكان

وأستمتع بجمالياته

لما له من صيت

سالم الريسي