[أميرالصحراء]

حالي يحير عالم الانس والجان
والله ما تخفى عليه الخفايا
مسكين حالي كله آلام وأحزان
وجرح ف قلبي كاتمه ف الحشايا
يا صاحبي أفهم ترىْ ابليس فتان
لا تلتفت تسمع لقول الوشايا
قدرك ف قلبي ما درا فيه انسان
والا أنا مسكين كلي خـــطايا
من يوم أنا فارقت خلي والاوطان
حل الظلام ف دنيتي والبـــلايا
والعمر قفا واغربت شمس الازمان
والجسم يرقب في سماه المنايا
هذا قصيدي واكتب الشعر تبيان
والختم صلو ع الذي فيه السجايا