يا زمن سجل ودون فــي دواويــن الحــياة
بلغ التاريخ عني وش جرى لي من المحن
يا زمن سجل دخيلك شاعر(ن) يكــتب رثاه
شاعــر(ن) جهــز بإيــده كل تراتيب الكفن
سجل بصفحات تاريخــك معــاناته وشقـــاه
وخلها عبرة دخيلك بطــول وقتــــك يا زمن
خلها قصة بسجلك خلــي يــرويــها الــرواه
قصة(ن) شاعر بطلها في حلا الزين أنفتــن
(أبوس راســك يازمــن) بلغ الغالــي وصــاة
في عروقي كان حبه وجاب في كل البـــدن
خبره وحــياة ربــي لي تــربع فــي ســماه
كنت أحبه بكل شعوري وغيره ما قلبي سكن
رغم بعده عن حياتي قلبي ما لحظة نســاه
كيف أنســى دام قلبــي كل لحظـــة له يحن
ما نسيته نور عينــــي وحق من حسنه عطاه
صورتــه فــي وسط عينــي ما تفارقني ولن
يا زمن بكى عيوني من هــوى قلبي وهواه
أنت تدري كم عيوني من عنى الفرقى بكـن
ويا زمن أطلبك نصفي قول ما شفتــه وتـراه
خلها قصــة غــرامــي ترتســم فـوق المزن
يازمن سجل دخيلــك فــي دواويــن الحــياة
قصة الحب الفريدة لشاعر(ن) عاش بمحن
حب من قلبه وأخلص وهذا هو يحصل جزاه
بعــد ذاك الحــب كلــه يدفــع حيــاته الثمن
يا زمــن خبــر حبيــبي ما بقــى وقــت للقاه
كنت ناطر جيتــه وللأســف بــه خــاب ظن
يازمن خبــره عنــي قرب المــوعــــد تــراه
موعــد الرحــلة قريــب والسفر مــا عنه عن
خبره بوداعة الله ويــا عــسى يحقــق منــاه
يحفظه ربي ويصونه من المآســي والفتـــن
ولن لفاني الموت دخلـــك خبـــره يوفر رثاه
من بعد فوت الآوان وشهـــو ينفعه الحــــزن
خبره بس لي طلب كان لي خاطـــر معـــاه
يا عسى يذكر زماني وبس قلبه لـــي يحـــن
أطلبه قبل المصلي يهـــم ويصلـــي الصـــلاة
وقبل ما جسمي يغطى ويكتسي بياض الكفن
يحضن الجثمان لحظة ولا يقصـر فـــي دعاه
ويرسم القبلة بجبيني ويمســـح بإيـــده البدن
ولن غلبه الحزن دخلـــه لا يكثـــر فـــي بكاه
ما أريد دموع عينه تسيـــل لحظـــة بالوجــن
يا زمن تدري بحالي ومن هو لي قلبي دمــاه
لا تــخبــي قــصتــي قــــول وأعــلنــها علــن
شاعر(ن) يخسر حياته والسبب خل(ن) نساه
رحمة الله عليه شاعر من البكى عيونه دمــن
وقولها لكل الخلايق وش هي أسبــاب الوفاة
وش خطيته يا زمــن شاعــر بقبــره سكــــن
عباس المسكري