علامك بس يا بنت الناس ما أنتي على سونك
حالك صار متغير ما هــــو بحـــال يرضينــــي
سلام الله وسلمنــــا وأنتــــي بعالم شجـــونك
وكيف الحال قلنــــاها ونظرة ما عطيتينــــي
صارت غاليــــة عليـــنا حتـــى كلمة شلــونك
ولا تعبير لو نظـــرة من عينـــك علـى عيني
واقف ساعة قدامك وعيني تطالـــع عيــــونك
وانتي بعالم(ن) ثاني أنــــادي وما تسمعينـــي
و ش بك ساكتـــة قولـــي وليــه متغير(ن) لونك
ولا صابتك صدمـــة يــــوم إنـــــك نظرتينـــي
تذكري واحد(ن) حبك وسمى نفسه مجنـــونك
ترى ما هــــي بمعقـــولة إنـــك ما عرفتينـــي
نسيتي اللي تنادينـــه حبيبـــي ويـــرد يا عونك
إذا هو خانك التفكيـــر عـــادي أذكرك فينــــي
تراها اكـــبر مصيبـــة إذا تفكيـــرك يخــــونك
سلام الله على عقلك مدامــــك ما تذكـــرينـــي
ترى والله ما مصدق قدرتي تنسي مضنـــونك
لا ما هـــي بمعقولة وبهــالســرعة تنسينــــي
أذكر كنت أنا أول مثل الشمس فـــي كونــــك
وبعدني ذاكــرك لمـــا بعد عمـــري تسمينـــي
سنة مرت على بعـــدي سنة عايش أنــا بدونك
كانـــت عيشتي مرة وحـــق اللي فــرض ديني
غصب(ن) عني فارقتك وأنا لي كنت مفتــونك
بعـــدك نار في صـــدري في كل لحظة تكويني
تــرى والله ما بإيـــدي أعيش بعيد عن كـــونك
ولكن هذا لمقـــدر غصب(ن) عني صــــدقيني
كنتـــي دوم في بالــــي وأحاسيســي ينـــادونك
وكنـــت أتخيلك جنبـــي أحس إنـــك تضمينــي
ويا ما سالـــت دمـــوعي لمــا الــناس يطـرونك
يا ما وكـــم تمنيتــــك على ما بي تعـــزينــــــي
حياتي والله أحلف لك عشـــت فبعـــدي مجنونك
حتى فـــي البعد عنـــك فـــي حبك ملكتينــــــي
أحلم بك وأنـــا صاحـــي وكنت أتذكر جنونـــك
طيفــك ضيفـــي كل لحظة من همـــي يسليني
أهلي وأهلك أتفقـــوا يبعـــدوني ويبعـــــدونك
ورغم اللي حصل جيتك أقضي عندك سنينـــي
جيتـــك يا صفا روحـــي جيت أعيش في كونك
جيتـــك ضامي من حبـــك دخيل الله اسقينــــي
أبي أشكيـــلك همـــومي وأسمـــع منك همومــك
أبيـــك تلملمــــي شتـــاتي دخيـــل الله لمينــــــي
أحبـــك وأعشقــــك وأهـــواك مغرم بك ومفتونك
يا روحي ويـــا بعد عمري أحبك بكـــل ما فينــي
حياتـــي مالـــها معنى أبد يـــا عمري من دونك
أريدك شمعة في كوني أريدك شمعة تضوينــــي