توني عرفت إني وحيد
وان العمر جرح وألم
توني عرفت أن القصيد
يا صاحبي كذب وعدم
وكثر الجفا لوهو يزيد
يا صاحبي خوف وندم
مثلك أنا جرحي شديد
والشوق فيني يرتسم
بعثرني الجرح العنيد
وجيت أمتصابي منصدم
في داخلي جرحن عتيد
في كل لحظه ينقسم
جمرن على أضلاعي يقيد
وفجوف صدري يعتصم
عايش وأنا كني فقيد
ميت وأتنفس نعم!
النوم بأجفاني شريد
والشوك تاطاه القدم
اسكت ودمعي يستزيد
اصرخ ويكتبني قلم
ونيت غنوني نشيد
وسكت قالوا لي كتم
لو جيت لك فيني تشيد
وإحساسك بقلبي يلم
قدامي بوجهن فريد
وبداخلك فيني تنم
ما ادري غدا حسك جليد
ولا غد قلبك صنم
دايم عن جروحي تحيد
ودايم تخون وتبتسم
توني عرفت إني وحيد
وان العمر جرح وألم
توني عرفت أن القصيد
يا صاحبي كذب وعدم