[زهرة السوسن]

بتشوفني مهموم واشكي علتي
...........لكن برغم الهم تشرق بسمتي

بتشوفني حولي الغيوم الطافية
..........لكن وراها ضيّ يهدي خطوتي

ما همني حولي العواصف عاتية
............لتظن بركع واستكين لخيبتي

ما تهزم أمثالي الليالي القاسية
..........م تخيفني ما تنتقص من همتي

هذي الجروح إللي تراها دامية
...........تروي معانيها فصول بْقصتي

هذي الدموع إللي تراها جارية
.......تطفي لظى الأنفاس تغسل حوبتي

نايف مثل تلك النجوم العالية
...........لا تنتظر مني سقوط لهيبتي

طبع الغدر طبعك صفاتي سامية
...........ما ني بمثلك فاسدن في نيتي

تبْقى الحقود إللي فعالة دانية
.......وابْقى العظيم إللي أموت بعزتي

ربي معي ما تَخْفى عنّه خافية
...حاضرْ وشاهدْ في حضوري وغيبتي
أم عمر
17-2-2019