[زهرة السوسن]

بعض البشر شابع قهر
قلبه من الهم انصهر
دمعه على خده مطر
مسكين من همه يصيح

قاسي عليه حتى الحبيب
محروم ما عنده نصيب
عايش ب هالدنيا غريب
يا حسرة قليبي جريح

صاير إذا هب النسيم
يشتاق صاحب له نديم
مثله ف هالدنيا عديم
شفاف دايم هو صريح

يحلم بيوم يكون فيه
فرحان والخافي يجيه
الحزن نارن تصطليه
يحلم بقلب ن مستريح

عينه على درب الأمل
ينسى المآسي والوجل
ويعيش هاني في عجل
والجو من حوله مريح

ما له سمير إلا النجوم
والفكر من حوله يحوم
ياكل ويشرب م الهموم
يمضي بأحزانه ويسيح

يطمح إلى يوم الفرج
يسلى حزونه والحرج
روحه إلى الباري عرج
ضمه بعد همه ضريح

ودع وغادر م الوجود
ما كان لحلامه حدود
وده ولو مرة، يعود
ويمر بالكون الفسيح

برسل تحياتي وسلام
متوشح ن برق الغمام
يسقي ثراه، بكل عام
يا ليت قلبي من صفيح

أم عمر
10-9-2018