[صلاح الطالعي]

ساعة تكفّيني

أبيك اليوم لو ساعه تكفّيني
أبيك وخاطري من حبكم ما طاب

تروح سنين لي.. ترجع وتنفيني
أنا من حبكم يا صاح بي أتعاب

على درب اللقا يا قلب تشفيني
وتشفي لي جروحٍ خانت الأطباب

أشوف النجم.. واتمنى الحلم فيني
أشوفك عابر وكنك مع الأحباب

يا عذب الوجد شوقك كيف يعفيني
وانا مْقيّد بجنحانك على الأعتاب

يا صبر الحب حبك بس يكفيني
ويرويني وياخذني ظما منساب

#صلاح_الطالعي
#طيب_الكلام