[زهرة السوسن]

ناظرِ الناس وتفكرْ
.............في معانيهم تدبرْ

بعضهم عارفْ مراده
..........بعضهم لاهي مبعثرْ

فيهم الزاكي فواده
........حلو طبعه ذوق سكرْ

لو ذكرته في غيابه
.........في لسانك، فُوح عنبرْ

بعضهم لو جيت مضطرْ
.............لو كِسرتهْ ما تكسّرْ

خالِ م الرحمه فواده
...............ظالم ن الله أكبرْ

مقبل ن بالشر دومه
..........هايج ن مثل الغضنفرْ

بعضهم كالغيث أمطر
...........من غنى نفسه تحدرْ

طينته منْ مسك أذفر
..........أغلى من درن وجوهرْ

بعضهم بالمال مغتر
..............لو رأى الخلان يفْتَرْ

كلّ همه وكلْ مراده
...........كيف يحوي المال أكثرْ

بعضهم حضرة جنابه
...........تحسبه كسرى وقيصرْ

صار في عزْ و رتابه
.............والمعاني، شيّ يقهرْ

ذا مقامه، في ثيابه
..............لا يغرّكْ شكل منظرْ

بعضهم للخير شَمّر
.................لو طلبته ما تأخرْ

لو بغيته في النوازل
.................ما فقدته ولا تغيرْ

اسأل الله السلامه
...............عيش أيامك مُظفّرْ