الحظوظ الرديه والسهر والعذاب.. بين قلبي وقلبه وبين عيني وعينه
سامح الله الليالي وسامح الله الغياب .. وين وصل الحبايب آه يالحظ وينه
انسكب دمع عيني كالمطر من سحاب..زاد شوقي غيابه والمشاعر حزينه
حيّر الصد بالي اختفى ليه غــاب.. جمّل الصبر قلبي وادعـــي الله يعينه
غاب فجأه وكنه فص ملح (ن) وذاب.. طال بعده ونأمل ان بكره يجينه
صار وضعه مذبذب في ذهاب وإياب..والهوى كن لعبه صار في راحتينه
كل عذرن يجيبه ينتقي له سباب .. لوتمعّنت قوله زيــف حرفه يدينــه
صار طبعه محير وخاب هالظن خاب..صرت كلي بدونه للمواجع رهينه
قالوا من هو يحبك زاد منه العتاب.. احتوي ل يحبك قبل لاتقول فينه
احتوي ل يحبك قبل لاتقول فينه
قبـــــل لاتقـــــول فينــــــه
قبــــل لاتقـــول فينـــــه
قبـــــل لاتقــــول فينــــه
هذاااااااااااااااااا النص يمثل الجمال الادبي
يمثل الشعر
والغناء
والحنين
هذا النص مدرسه للعذوبه
به من البوح مما لايدع مجال لشك في شاعرية من تذيل باسمها التوقيع
نفتخر بتواجدك ونتمني ان يستمر هذا العطاء
|