لحظة الاحتضار التي تهيأت لي في غياب عروس البحر
استدعيتها ، فلعلها تعود
سافرت مع النفس ، وخشيت أن لا ألقاكم ، وأدركت أنني
سأكون في مكان ما يوما ما ـ فالعذر منكم ..
...........................
مخاوي البيدا يرثـــــــــــــــــي نفسه
يا شبيه الريم بكتـــــــب لك وصاتي**دام كنتي فوق راس تحضــرين
ما بقــــى لي سعد في باقـــــــي حياتي**مير انا بالله ربــــي استعين
يا رفيقة عمري يا ريم الفلاتي**لو ضـحك سني ترى الخاطـر حزين
عالم الله ضحكتــــــــي خلت شفاتي**ما هنا لي النوم من اربع سنين
وش ذَنِب هالقلب لو حبك بذاتي**والمشاعر في خفـوقي ما تشين ؟؟
كفنيني بثوب ليلي اللي يواتي**عيشـــــــةٍ قد عشتها من الدهر حين
ادفنيني وخلـّي عندك ذكرياتي**وطرشي نسخة لكــــــل الحاضريـــن
واحضنيني يبطي لو لحظـة مماتي**وانثري ع الخـــد ورد وياسمين
ولو تحسّــــي القبر ضاق بمومياتي**قلبيني لليســـــــــار ولليمــــين
ودّعينــي ولا تخليني احاتي**وارمسي قربي لو اقفوا مودّعـــــــين
.