يا الله يا عالم بالارواح=تشفي العليل وتحيي الروح
يا من لك الاسرار تنباح=عفواك ترحم لي به جروح
لي صاحبن ما عاد مرتاح=من بعد كيف وأنس و مزوح
صابه هوى بو خد وضاح=ريمن ربا ما بين لسيوح
ترف الصبا له رمش ذبّاح=هو لي دعاه يون و ينوح
ساكن فلا في ذيك لبطاح=غربي السديرة بوادي الدوح
هذا الهوى له طبع فضّاح=لو تكتمه فوادك به يبوح
يا كم من لسلاف به صاح=من عهد هود وأدم ونوح
و بحر الهوى يحتاج ملاح=ما يعبره لي مركبه الوح
تتعرضك في دربه أرماح=لن جزتها بتصير مربوح
رمز الوفا ف الحب م زاح=تاج المحل له شيد صروح
مجنون ليلى بوقت لي راح=حبه لجيل العصر مشروح
ولي يتبع المقفين ما أرتاح=ضيّع صباه بغير مصلوح
مثل السراب ولال ضحضاح=أذا تبعته عنك بيروح.
الشاعر/حميد بن محمد السالمي
[size="6"]