اقتباس:
المشاركة الأصلية كتبت بواسطة إبراهيم بني عرابة
مدّ لي يدّك أنا جدّا وحيد
ضاق صدري و انت عن عيني بعيد
ليت اشوفك كلما بي الصدر ضاق
لنّ طيري طار من ذاب الحديد
ما تحمّل داخلي كل احتراق
مدّلي يدّك أنا جدا وحيد
أو بالاحرى صرت انا دونك ”معاق“
شفت دمية طفل غطاها الجليد !!
هذا قلبي بالشتا بعد الفراق
شفت صندوق الوصل مابه بريد !
إنتظاري و انتظاره ما يطاق
صدري اللي ما المستّه أيّ إيد
غير نور الصبح سلّم و استضاق
صدري المكسور ما مرّه جديد
ضامي اخبارك و ليلي " طاق طاق"..
..ريحه وْ ما عادت اخبارك تحيد
الجواب محال كلما تمدّ ساق
من بعدك الدار ما طفت وقيد
تنطره ملفاك من بعد افتراق
يسهرك شوقي و دمع عيني قصيد
واقطف جروحي بعدما الصبح فاق
ما يسلي القلب مال و زين غيد
واعتنقت الطهر بالدنيا اعتناق
ما اتعوّض ياللي تسكن بالوريد
يالفراق اللي خذاك و دمّي راق
طار طيري وان لقيته لا تعيد
خلّي اعْذارك أنا فيني اختناق
لحظة ! .. اتْصدّق !! أحس اني سعيد
لنّي احسّ لموتي بفمّي مذاق
صار أقرب والنبض بعده عنيد
قبل موته ينشدك معه اتفاق..
.. صاحبي يقولون بكره يوم عيد
زورني و عيدي بعد موتي (عناق)...
إبراهيم بني عرابة
|
ابراهيم بني عرابة
انت مبدع
ولا نختلف في ابداعك
مثبت في قلوبنا
ياباذخ العطا
ء