18-08-2013, 12:42 PM
|
|
كاتب مميز
|
|
تاريخ التسجيل: Apr 2012
الدولة: Al Batinal North Al Suawiq
المشاركات: 239
|
|
زجاجة مسافي ومدرسة الحب
القوافي
1/7/2013
الشاعر : راشد الهنداسي
جرب على نفس القوافي والاوزان
يمكن تلاقيني ع راس القوافي
ويمكن تغنيني مسيقى وألحان
في جو مشمس واستوائي وصافي
وان كان تهوى مسك فرشاة الالوان
ارسم طموحاتي بشكل(ن) خرافي
جرب ، عسى يمكن إذا جا بالامكان
تكتب ، " أحبك ياغلى إنسان وافي "
ويمكن تجي جملة بإسمك وعنوان
والبيت وأرقام ، المهم هذا كافي
تدري وش أغلى شيء يملكه للانسان؟
حب(ن) معبأ في زجاجة مسافي
لجل ان شعر بالنقص والقلب ضميان
جرعة ، وتروي له ضماه وعوافي
وقف ، اغنيلك " على دان يا دان "
يمكن تجي أحلى مع الرقص حافي !
لان الرومنسية تجي بعض الاحيان
مرة ، ومصدر إكتئاب وتجافي
وش فايدة حب(ن) على مر الازمان
واقف ، ومجداف الأحاسيس طافي
تدري وش الي شاغل أفكاري الآن ؟
ودي يكون الحب فن إحترافي
يعني دراسة وجامعة و(Sir) غسان
ترسب ، ويزداد المدى الانحرافي
تنجح ، وتاخذ باكلريوس ولهان
فالحب وعلوم الغرام الإضافي
يعني تخرج عالم بكل الاوزان
أو عالأقل تمشي ع نفس القوافي !
|