[أحمدبن عبدالله المعمري]

خذها من اللي عقله الـيوم مـخـبـوص
عـالـم ولا يجهل خفى البحـر لو غـاص

في بحـرك الطامي نوى حرفه يغـوص
دامك فـبحـر الشعـر مـاهـر وغـواص

من شوكة الاحزان مـا هـو بـمقـروص
صباح يوم الـعـيـد مـحـكـوم بـقصـاص

برد البـعـد لـو كـان يـكفـيـه بـرنـوص
ماشفتني لاهي مع الشمس فـ شناص

احمد المعمري فلك

مـدام حـرفك واصل اليوم مخصوص
عندي ، و في معناه لاحظت إخـلاص

خذ لك من الأيام قانـون مـنـصـوص
يثبت بأن الحر ما يعيش بـ اقـفـاص

والحرف مهما يلبس ألماس و فصوص
أحياناً يـعـبّر و يكشـف عـن الخـاص

يظهر لي انك فـ الهوى صرت مقنوص
وانا اعرف انك فـ الهوى كنت قناص

سعيد الرواس
راعي العشق موتره م الـبـر مـقـلـوص
بس المـصـيـبه قالـصيـنـه علـى بــاص

مرفوق عن لـ حدود ما هـو بـمـرخـوص
لازم يصـادر صاحب الـحـمـل والـشـاص

مـحـملـنـه م اليـمــن( تمر)ٍ وخــوص
ما خان بي في وسط وديان (برصاص)

يشـهـد علـي الله ما عصـتـه بـعـوص
في صحبته من يوم ربع الخلا قــاص

ما غاص من يجهل ثمن قيـمة الغـوص
وانتـه كـفـو شاعر وفـارس وغـواص

أحمد المعمري فلك

لا هنت قدرك عندنا غير مـنـقـوص
من عـادة الوافين تـرك التـنـقـّاص

سكّر على عين الأحاسيس بـ قلوص
راعي العشق ما ينفعه طب و اقراص

يدعس على كل التضاريس و يحوص
و اذا تعرض لـ المهالك مشى فاص

واللي يعاني في كرى الليل ناغوص
صعبه يميّز (تمرها) فرض و خلاص

و المعذره لو شفت معناي مقصوص
حبل الـقـوافـي في معانيك رقـّاص

سعيد الرواس