صبرْت وَاجِد لكِن اليوم ملّيِتْ
ورْجِي مِنَ الله ذا ينزِّل ليَاتيْ
إنّه يسهّلْ لَمْر ذاَ بِهْ تهقْويِتْ
ربِّنْ كريِمٍ ليْس عَنّه غَنَاتِيْ
مِنْ شاَن هَذا كَمْ تعِبْت وتلقّيتْ
هَمِّن بِقَلْبِي تَالِي اللِّيل يَاتِيِ
فقِلْت لَهْ يَاهَمّ وشْفِيك حلّيتْ
ما بينْ ضِلْعَان ٍ لَنَا إمْعوجَاتِيْ
هَاذي أمَانِي مِنْ سِنِين ٍ تمنّيتْ
الله يحقِقْها و يجْعَل ثبَاتِيْ
بَعْدِ الشقَاَ نظّمتْ قَافِي و غنّيِتْ
هَذِي هِوايهْ ثابِتَه فِي حياَتِيْ
وخذْت فِنجاِلنْ مهيِّل تقهْويّتْ
و ارى تبَاشِير السعَدْ بَاينَاتِيْ
شَكرْت لله شُكْر واجِدْ وصلّيتْ
فِالْبقع ذا صلّى النّبِي بِه مِيَاتِيْ