[حمود المهزاع النعيمي]

المشاركة الأصلية كتبت بواسطة كاملة البلوشي

السلام عليكم ورحمة الله وبركاته
اتمنى نص المتواضع ينال اعجابكم

بالروح ونه والحشا فيه سكرات
ابات أنا دمعي في ليلي اهله

تعبت من حبن شجونه متاهات
كلما ضما دمي بنزفه يبله

اعيش واحساسي دروبه مطبات
مضيع بدنيا المحبه اخله

ياللي رفعت الحب بين المجرات
نجمك تلألأ وابهر الكون كله

اتبهّت بحسنك اراضي وسماوات
الله اكبر كيف قلبي يفله

انته كنوز القلب واغلا الهدايات
غالي وحبك يالغلا استحله

متربعن حبك وسط روحي والذات
دونك حياتي ياغناتي ممله

تنثر حروفي بالهوى كل دانات
متوشحة بالعشق ورده وفله

مااوصفك لو قلت أحلى العبارات
تقصر حروفي والتعابير خجله

هيهات انا انساك ياعمري هيهات
حبك ملا افوادي ومحدن يشله

حبك حياتي يالغلا عاش مامات
من يوم أنا طفل ٍ وهو في محله

دامك معي ماتحسب النفس اهات
اشواق عمري كنها فيض دجله

يابهجة افوادي تعطـّف بنبضات
شف ْ عيشتي بْدونك بمليار علة

اقطع على شانك هموم ومسافات
ماهمني مادمت للروح خله

دونك حياتي ضائعة حزن وشتات
لغز الهوى يالقلب ياكيف حله

بالروح ونة والحشا فيه ليعات
بسك جفا دونك حياتي مذله

بقلم: كامله البلوشي

عزيزتي كاملة

قصيدة عاطفية أنثويه لطيفة

مغمورة بالتأوّه والآهات حد الثمالة

أعجبنب هذا البيت

دامك معي ماتحسب النفس اهات
اشواق عمري كنها فيض دجله

واصلي ففي المواصل صقل وحنكة وخبرة وألق

ضعي نصب عينيك المشي على القمر

مع اعتزازي وتقديري