[ناصر الغافري]

أرسلت لي هاتين البيتين:
ي صاحـب ( الذوق المميز ) عن الغير
ي اللي بكلامك تملك قلوب واسـياد

ودي الاقــي للاحـاسيــس تـفــسـيــر
ليه ؟ القلوب لبعض الاشخاص تنقاد'

فأجبت بهذا الرد :

نظرة عيونك نظرة الصقر للطير
وقلبك حنون وزين ما فيه أحقاد

حسك بحر واسع ويريد تبرير
مني وقلبي تايهٍ والعقل في واد

إحساسك المرهف تميّز عن الغير
يسأل سؤال صغير عن قلب ينقاد

القلب يبقى قلب لصغير وكبير
م تغيره نبضات شايب وأحفاد

قلبٍ يباع ف سوق وشلون بيصير
إلاَّ إذا هالقلب ما عيّد أعياد

بعض القلوب تموت وسرّها فبير
وبعض القلوب تحب وتخلّف أولاد

وبعض القلوب تسير وتتبعها حمير
وبعض القلوب أحرار وتحرر بلاد

هذا جوابي لك مع كل تقدير
يوصل سما قلبك يا بنت الأجواد

ناصر الغافري