حفلة جروحي
حفلة جروحي تحتفي بك على هيش؟
............ ............ ع الشوق ع الاحزان ولا ع الهجر
كلها تعب وأنته على نفس هالطيش
............ ............ في كل سبب أكبر من الثاني ابعمر
بسألك جاوبني تمنيتني ليش
............ ............ يا مشعر إحساسي يعييني السهر
سعادتي مرة وجروحك علي جيش
............ ............ كسّرت مجدافي على شاطي البحر
عيش الغرام العذب ياآسري عيش
............ ............ مدري افطريقي وش مخبي لي القدر
هي عيشتي ماعك ولو زفنة وعريش
............ ............ بس لا عريش ولا خيام ولا قصر
ما ألتقى منك ترى غير تنطنيش
............ ............ وإذا ابتسامة قلت أنا جاني النصر
هذا مزاجك والعناوين تهميش
............ ............ وآنا على كيفي أدور لك عذر
جوال أفكاري تداخل وتشويش
............ ............ تقدر تصحح لي مساراتي وتسر
يا صاح قانون المحبين بشويش
............ ............ إلا أنت قانونك تجاهيل وكسر
مثل الذي هو ينتظر منك تفتيش
............ ............ واقف على صفك تبشرني بخبر
ممنوع هذا الشي ف اْمحاكم قريش
............ ............ إلا التعالي يا عذابي هالعصر
هذا الزمن صعبة ترى لقمة العيش
............ ............ وحن نتبع المحبوب في بحر ن وبر
ينفظني الخافق وينعش بي نعيش
............ ............ يشكي الخفوق المنزوي المستمر
أتعبتني والشيب أنا ودي أعيش
............ ............ أحيان في الغالين يتواجد شرر
ما به تناقض بين ضامي وتعطيش
............ ............ الكل يبحث له على سكه وسفر
أبلشتني يا زين في الوقت تبليش
............ ............ كنت آتوقع ألتقي منك الدرر
ما ينفع الجنحان ترقى بلا ريش
............ ............ هذاك قلبي دون حبك ما قدر
ْمسلسل الإعجاب والصد تطفيش
............ ............ لي قلب ما يبغي سوى ذرة شكر
حفلة جروحي تحتفي بك على هيش؟
............ ............ لا حب لا أشواق بس حزن وهجر