[عامرالناعبي]

ارسل سلامي والتحيات
وياطارشي عجّـل بالمسير
باحمّـلك شعري والابيات
شلّـه بسراعه دون تاخير

بلّغ سلامي والخبر هات
هات لي علومك والتباشير
من عند عالين المقامات
اهل الفطانه والتفاكير

لزقرتهم حال المهمّات
حازوا الشجاعه دون تقصير
اهل المعزّه والكرامات
بقلبي لهم عزّة وتقدير

الراسبي راعي الوصوفات
ف نظم القصايد بحر ٍ غزير
متأهّل وعنده شهادات
من نسل امجادٍ مشاهير

ف درب الطرب انامشيت بثبات
ماخفت من كثر التعثّـير
ودرب البعد يبدأ بخطوات
وبلّي مشى به يكون صبّير

وبحرالهوى غبيبه غزيرات
محتاج له سبّاح ٍ شطير
ماهر ومتزوّد بخبرات
مايخاف من موج وأعاصير

وآخر كلامي والعبارات
اطلب من الله يكون لي نصير
ويا الراسبي ارجو السموحات
إن كان خانتني التعابير

وختمت بصلاة وسلامات
بعداد اصوات العصافير
على من ختم كل الديانات
يشفع لنا في يوم الحشير