القصيدة السياسية التي حذفت بقدرة قادر من صفحتي بالفيس بوك بعد نشرها بربع ساعة تقريبا
و حذفت معها محتويات صفحتي الشخصية من المشاركات عبر سنتين
( ( مسكين يَا فْقيِّرْ ) )
قرار للحفل الكبير
ريّس اللجنهْ وزير
وْ عُضْوِيَةْ خَمْسُ وْزرا
ديكور هيبَه وْ منظره
يعني بشوتِ مْعطَّره
يعنِي انْت لي إسمك فقير
مالك بهاللجنه حصير
لَنْكِ بْزمان العولمه
حلّين قدامك ترى
تنداس و إلاّ المقبره
يعني بمفهوم البلد
شاركْ بِأَلْغازِ إرْمضان
يمكن تفوزِ بْتذكره !!!!!
*****
يضاف للجنه خبير
مِنِ التّجاره و الصناعة
وِ مْنِ الرياضه و الزّراعه
وِ شلَّه من باقي الوزارات
وْ شلَّةَ اصْحاب العمارات
و البقيّه البقيّه
أهمّها الداخليّه
مسكين يَا فْقَيِّرْ .. تنادي ؟ !!
تنادِي وِ الّآ ما تنادي
إنت خارج هالحوار
هاذِي لعبه للكبار
ياخي إفْهَمْهَا القضيّه
إنْت من لَحْظة مِلادك
في بلادك في بلادك
تُعْتَبَرْ من دون جنسيَّه !!!!
*****
لا تِسْئِلوني .. وِشِ النيّه
هاللمَّه للتذكير.. ماهي لنجدة فقير
هاللمَّه للتحضير.. للمهرجان الكبير
لا تِسْئِلوني .. وِشِ النيّه
يعنِي الذِّبيحه محلِّيَّه
لا تِسْئِلوني .. وِشِ النيّه
القاسِمَ الْمُشْتَرَكْ فيهم
فِي الآخر النيَّه
يعنِي إبْساطَه وْ شفافيّه
كلهم حراميّه
حراميّه حراميّه
حمود المهزاع النعيمي