[المعتمد بن شميعه]

مليار خاطر مسويلك وهذا أنت
كل ماطلبتك تجيني قلت مافيني
بصدودك إللي بلا آخر تراي آمنت
هذا جزايا بصداتك تكافيني
غرّقتني في دباديبك إلين ادمنت
والحين من بلوّتي منهو يشافيني؟
ياليتني قبل معلنها عليك أيقنت
بأن حظي معك ناوي يجافيني
المشكله يوم انا لمشاعري أذعنت
على عمايا أجيك الله يعافيني
الحظ طايح معك وأنا عليه راهنت
وأكبر مصيبه ترى ماكان خافيني
بصافي النوايا أدوّر راحتك لاهنت
عل وعسى خافقك مرّه يصافيني
أنا أحبك ولك من خاطري دوّنت
أحلا القصايد على رجوى تحس فيني