[أحمد الخالدي]

الفاروق



عمر بن الخطاب



رضي الله عنه



أجمل ما قيل وكتب بهذا الجبل



الذي خلده التاريخ



قصيده للشاعر



مهند بن عشيش القريشي الخالدي






ثاني خليفه شع نـوره علـى الديـن


تدبـيـرة الله بالـبـلاد المنـيـفـه


مؤمن واميـر المؤمنيـن المياميـن


فـاروق لابـار الحليـف بحليـفـه


من يوم كنت الجاهلـي فيـك ثنتيـن


شجـاع ماترضـخ ونفسـك عفيفـه


قضيت فيها سـن ستـه وعشريـن


ماخير بعدك ياعمـر صـار ضيفـه


إلـك السفـاره بانقـلاب الموازيـن


منك الجموع اللي غشتهـا النكيفـه


حاشاك يالفـاروق هـرج المعاديـن


اللي لهم في خنـدق البـوق شيفـه


مثل الحبلّق بيـن طـرش البعاريـن


ومثل النمل فـي قـاع وادي حنيفـه


انت الذي تخشـاك روس الشياطيـن


وانت الـذي للديـن كنـت القذيفـه


اعداك ماتبرح مـن المـوت شبريـن


في هيّـة الفرّيـس خصمـك تخيفـه


رفيع منزل ساطيٍ يـا احمـر العيـن


اصلك وفصلك من قريـش الشريفـه


واللي دعى لك تهتدي يـوم الاثنيـن


احمـد رسـول الله وجتنـا طريفـه


الله يعـز الديـن باحـد العُمـريـن


واختارك الرحمـن باحسـن وظيفـه


اعسر .. جسيم .. ولايغطيك بشتيـن


شديـد حُمـره والسبالـه كثيـفـه


لله فـلا تحتـاج قــول وبراهـيـن


قايد .. وقاطع .. ماانفدم حد سيفـه


لاصـار ذكـرك واردٍ بالصحيحـيـن


قـل للمغـفـل لايـطـوّل بزيـفـه


اعدل من السيف الـذي تـاه قرنيـن


وابسط من بـلاد الصعيـدي وريفـه


اصعب رجل .. والْين خفوقه من التين


واسهل من اللـي يغرفونـه غريفـه


اغنى من اللـي يملكـون الملاييـن


وافقر من اللي قوت يومـه رغيفـه


في عهدك الزاهر وضعـت الدواويـن


في عـام عشريـن المحـرم وقيفـه


سبعـة عشـر ربيـع الاول للادنيـن


تاريخنا الهجري سمـا فـي رفيفـه


واول خليفـه سـن فيهـم ثمانيـن


وجمعـت قـرآن الولـي بالصحيفـه


حجيت فيهم ياعمـر عشـرة اسنيـن


واكملـت عمـراتٍ ثلاثـه نظيـفـه


حتى اليهود اللي على الديـن باديـن


هجّـت ركايبهـم رديـفـه رديـفـه


ورستم غدا بين الغماغم طعـم ليـن


تسمع مـن الميـدان زفـرة جخيفـه


هـذا بعصـرك لكـن اليـوم تأبيـن


ثقلـت حمـول الكايـدات الكليـفـه


بالامس صارت ياعمر حرب تشريـن


واللي كسبنا ياعمـر بـس جيفـه !


وعقب انتفضنـا بالثلاثـه وسبعيـن


واقصـى املنـا نستـوي بالنصيفـه


كنا شعـب واحـد وصرنـا ثلاثيـن


والكل يمشـي فـي مزاجـه وكيفـه


اخيـار لكـن بيـن شلـة ملاعيـن


امريكيـا مـع تـل ابيـب وجنيفـه


ياكـلاش ود العلـم لعيـار خمسيـن


قلـه علامـه هـاجـعٍ بالسقيـفـه


قد قالهـا الكنعـان نبغـى الحرميـن


مع اليمن والشـام لاقصـى قطيفـه


اقوام تتسلـح مـن ايسـار ويميـن


استوحشت من عقـب ماهـي اليفـه


وين انت يالفاروق حال العرب شيـن


امّـة محمـد توخـذ اليـوم حيفـه


ليتـك تعيـد القادسيـه بعـد حيـن


لـنّ الهـلال اليـوم ولّـى قنيـفـه


ياليتك تشـوف العـراق وفلسطيـن


واحوالنا وشلـون صـارت ضعيفـه


واعلمـك حنـا غديـنـا مساكـيـن


لعبوا بنـا لعـب الوليـف بوليفـه !


اجسادنـا تسكـن بـدار المسنـيـن


وقلوبنـا راحـت بيديهـم خطيـفـه


والدين ماحنا علـى الديـن ماشيـن


هـذا بـلانـا ماورثـنـا حذيـفـه


عاهه على الصحه سوات النيكوتيـن


وعشنا يابو حفص الحياة السخيفـه


ياأمّة الاسلام رحنـا علـى ويـن ؟


الـدرب مظلـم والنوايـا كفيـفـه !


يالله بامرك نقضـي الدَيـن بالدَيـن


والسيـل الاحمـر مايوّقـف نزيفـه


لو كنت مثل اللـي تقـول المجانيـن


ماكنـت يالفـاروق ثانـي خليفـه !






الشاعر



مهند بن عشيش القريشي الخالدي





أخوكم الشاعر
أحمد بن عبدالله منصور الخالدي