[جاسم القرطوبي]

ما تشاؤم غير عثرات النصيب = تخنق الواحد وتهديه الجنون

كلما تْشافى بأسهمها تصيب = قلبه العاني وأحداق العيون

الظروف اللي قست وضعي العجيب= أسفرت أعذار لو بس تعذرون

بي مدينة هم وحظ دومه يخيب = بي حياتي من جنون الحب فنون

لا تزيدي آه أحزان المغيب = آه يا آهين آهات السنون

وانظري أرجوك للحال الكئيب = بابتسامه من قبل ريب المنون

ما لنا حد بس بعضنا والمجيب = أسأله ربي يحقق لي الظنون

في النهاية خلنا عنهم نغيب = في بوادي الشوق أو حلم الجفون