طاب مساكم..
عفوية.. لنقاء قلوبكم
كلما جيت ابتسم حظي يكشّر
وان خفيت الهم زاد الطين بلّة
الزمن يخبز معاناتي و يقشّر
قوتي من الجرح لي عايش بـ ظِلّه
كنّ باص الوقت ما يمشي مبنشر
الثواني ف بشتها و تقرا مجلة
والعقارب علّموها بس تأشر
تبغي الأرقام تتبعها بـ ذِلّة
مجتمع دايم أعيشه ما يبشر
غير بالجرح وتفاهاته المملة
بيع صدقك/ هندم الشكل وتفشّر
و بثواني تصير محبوب و موَلّه
والرذايل بين عرض الناس تنشر
لنك برستيج ناسه ما تمله
لا تحاتي الناس تمشي عالمؤشر
والكرامة ما تشبع جوع حـِلّة
وان بغيت الوقت في وجهك يكشر
إثقل و حاسب خطاك ف كل زلة
من مميز صارت النسبة اثنعشر !!
خلْــها عـَـ الله.. ( شكوتي لغيره مذلة)
...