[وليد الحضرمي]

يا لايمي لا تجرح الجرح وتـــــــــروح
كسر الخواطر عـــــــــــــاقبتها وخيمه

اما على عهد الهــوى تملك الـــــروح
والا السموحة مــــــــا نبى حب شيمه

مليت وانفـــــــــاس المشاعر بها نوح
والنار في جوفي اتشـــــــاعل ضريمة

بإسم الوفــا والحب لك داخلي صروح
وافنيت عمري لاجل فرحة يتيمــــــــة

نشريك بالغـــــــــالي ولا نبغي مربوح
وانته بغيت الفائ(ي)دة بأي قيمـــــــه

يرحم زمــــــــــانٍ كانت الروح للروح
والدمع يشهد والنـــــــــــواظر كريمة

واليوم صـــــــــار الحب ذابح ومذبوح
بأسباب نفسٍ بالمشـــــــــــاعرعديمه

يـــا لايمي جرحك على الصدر مفتوح
من ذا يداوي الجرح وانته نديمــــــــه

خلك على باب الجفــــــــــا رددّ البوح
ذي صدمتك كـــــــــانت عليّه عظيمه

واشرب من الكاس المسمم وثم روح
من باع وصلي ما اشتريله الحشيمه

وانا على خبرك ابكتم هالجــــــــروح
لان المشـــــــــــــــاعر ما تقدّر بقيمه