منبعٍ للطيب عذبني .. مبتلي يا كود حزناني
لا نويت البعد انا عنه .. سابقٍ بالعين ناداني
سيل دمعه يجري الوادي .. راويٍ بالحيل ضمياني
المصيبة زاد في حده .. من بعد ما كنت وحداني
ما رزقني الخالق بخّيٍ .. بس نبعه فاق تبياني
في حزايز شكوتي لله .. يفزعٍ بالروح يبغاني
مو مثل من قال يا دره .. قاعدٍ ويشوف خجلاني
يكفي انه شافني مره .. من حوايا الخاطره يعاني
سيد الكتّاب يا منبع .. لا تقاطع كل عطشاني
من خواطر والشعر تمطر .. في اراضي كل هيماني
اعترف ما كنت انا شاعر .. لين جدي طاح فرداني
هزني حاله من الماضي .. وكيف صار الكل له فاني
يومه اول يشعر اشعاره .. والصغير يلاعب الثاني
ما حدٍ همه مثل همي .. يصغي الكلمات ميزاني
لين عاد اللوم ما يغني .. من سمين او جايعٍ جاني
ياعرب لا تنسو الشاعر .. لي كتب له الف ديواني
واذكروا ذكراه لي قلتوا .. خلده ربي في الجناني
همسة ** هذه كانت أول قصيده عمودية أكتبها ،، وآمل فعلا ً أنها ترقى لمستوى القصيده