منتديات السلطنة الأدبية

كذب وخيانه عمله وحده بوجهين
صدق الملامــح يطرد الشك عنها

يا حسرتي بالعين شفناك بالعين
حسره على من كان فيها سكنها

مثل المقنع بين زيف الملايين
كذبة شهر نيسان مفروغ منها

لو تحلف بأيمان من هون للصين
وتشيل عـ متونك قراها ومدنها

الكذب حبله قْصير ثوب الرديين
من تكذب الكذبه يا شلاخ زنها

لو تزرع اعذارك بدربي رياحين
أرض الغلا ماتت وقلبي دفنها

ما اصدقك من هين حتى إلى هين
لو أقسمت إنها وإنها وإنها

غربال ما يغطي ترى الشمس يا شين
فيك الخلايق خايبٍ فيك ظنها