وضيع نسونجي
 

وضيع نسونجي يحب النســاوين
يلعب مع النســوان دور البطوله

خرّاط يشلخ في زوايا الدواوين
بعيون بِلطه كنّها عيـــون خولــه

حيّة تبن تنفث سـموم الثعابين
هيبة ذكر مافيــه هيبة رجوله

وين المروءه وين الاحساس هو وين
عينه عن دروب الرجاجيل حوله

بعض النسا تسوى شراته ملايين
لامجادهن فوق المجــرات دوله

مسكين قالوا هو ترى ظل مسكين؟
خنوص ما يخفى على الناس زوله

حلوين بعض الناس ولا مزايين
إلعب مع شـرواك دور البطوله