|
(بلادي والعمر والشوف )
(بلادي والعمر والشوف ) لعيونك الشوف و انتي لناظري مرسى لو تأخذين العمر لبعيد المدى يرتد وتبقى لك أنفاس ما تبرد من علم الليل يعكس للسماء ظله حتى تبين النجوم لقاصد المرسى أعطيني الصبح ولحاف المسا والنرد وأرمي لك العمر من انفاسي الصحرا من باب خوفي عليك بداعي حضوره زاد بصداك الرجا وأن زان بك مسرى (ينصي) وراي المنادي ينتظر دوره أدري لعمري عليك يسيل لك مجرى لمعانق الصبح سمعي خطوة عبوره حطي لي الضي لو شوفي بدا يضرا عـلى وجــــودك و انتي تنثري نوره وقتي عطيتك عطيني من يدك أقرا بـــاقى دفاك وعلى تاريخك سطوره على يدينك عطر سماك الماطرة نخلي زرعت أنفاسي بطينك بنت فيك الرضا والطيب سقيتك من حنين الصدر عطا قلبي وتغريدي انا لك والصدى يشهد تعب صوتي وتنهيدي أحبك كثر ما احرث ترابك والسماء زرقاء أحبك كثر ما أفسل نخيلك والجبين يفيض وأحتااااج لك أحتاج كثر البعد وسنيني ما (ينشري) الوقت / عمر الوقت ما يشرى لكن عشانك بعـد العمر وشهوره محتاج لك حاجة ٍ تنساب من حدرى يوم المنادي يصيّح خلف منجوره لعيونك الشوف لين انفاسي الصحرا يفداك دمي / وأشواقي لك بحوره سليمان الجهوري |
حضورك الصبح شاعرنا الغالي
سليمان الجهوري هُنا الشعر هُنا للقلوب تطواف مثري شكرا ً لأنك سعادة دام ربيع تواصلك تحية وتقدير تثبت تميزا ً وتقدير لشاعرها |
الشاعر / سليمان الجهوري
الشاعر الجميل الراقي / سليمان الجهوري جميل هذا السمو والإرتفاع في سماء الشعر لقلبك التحية أيها العالي تسلم لهذا الحرف تحياتي / صالح |
الأستاذ الكريم ؛؛ سليمان الجهوري
سلمت علىى هكذا حضور ؛ أحاسيس جدا عذبه ومفعمه بالرقي والتألق . تقديري |
سليمان الجهورى أحبك كثر ما احرث ترابك والسماء زرقاء أحبك كثر ما أفسل نخيلك والجبين يفيض وأحتااااج لك أحتاج كثر البعد وسنيني احساس صادق شاعر مقل وخيال خصب لله درك. |
الشاعر سليمان الجهوري شاعرية نعتز بها فعلا هنا أكثر من لحن شعبي ، في نص حافل بالصور الشعرية والمفردات الجزلة .. وبمرور الإخوة المشرفين ، تمنيت أن تفيدنا شاعرنا الكريم : لعيونك الشوف و انتي لناظري مرسى لو تأخذين العمر لبعيد المدى يرتد هنا لحن الهجيني الطويل : مستفعلن فاعلن مستفعلن فاعل .. ولكن هنا كيف نقوم بقراءة هذا الشطر : (لو تأخذين العمر لبعيد المدى يرتد) وهنا لحن شعبي آخر : مفاعيلن مفاعيلن .. الهزج الفصيح ..ويقابله : اللويحاني أو الشيباني النبطي .. انا لك والصدى يشهد تعب صوتي وتنهيدي أحبك كثر ما احرث ترابك والسماء زرقاء أحبك كثر ما أفسل نخيلك والجبين يفيض طبعا الهمزتان زائدتان في كلمتي : السماء ، زرقاء شاعرية استوقفتني معانيها صح لسانك شاعرنا |
الأستاذ الفاضل سليمان الجهوري السلام عليكم ورحمة الله وبركاته أهلاً بقدوم المطر أهلاً بروائع الشعر ... عوداً أحمد أيها النبيل كــ عادتك ممتع وارف شعراً ومشاعراً .... صح السانك ولاهان منطوقك دمت بود ... أنتظر تواصلك الراقئ معنا تحياتي وجل تقديري |
اخي العزيز والشاعر القدير سليمان الجهوري اهلا وسهلا بعودتك الحميده قصيده في غاية الابداع والجمال صح لسانك وما عليك زود وننتظر جديدك هنا دائما ودمت بكل خير وموده اخي الكريم |
| الساعة الآن 07:42 AM. |
Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir