|
محاوره مع الاخ محمد ود صديق المخيني
محاوره هاتفيه سريعه مع الاخ الصديق محمد ود صديق المخيني بتاريخ 1/9/2014م خليفه الصائغ الف الصلاه صلوا على الطاها الامين يشفع لنا يوم الحشر و الزلزله معطر حروفي و انثر الحرف الرزين من صوغ عيصان الذهب و المكحله محمد ود صديق يامرحبا وحيا وتسلم هاليدين لي صاغت العيصان صوغن مجمله واجب نصلي ع النبي في كل حين جرب تفضل شي علومن حاصله؟ خليفه الصائغ ماشي علومن صاحبي وﻻ شي كمين ودي اوضح بس معاني مساجله الشعر له فرسان وحاله مهندسين بس كل من حب الصياغه صاغله محمد ود صديق في كل حلبه حن ترانا مقبلين عدنا القوافي والشعر يا مسهله وحل النوايب مانتعذر والمين ابعون ربي والبيرق حن ننشله خليفه الصائغ ما كل ثنينه شفتهم متزافين عرفو معاني الزفن ويحشمو هله البعض في قيفانهم متميزين والبعض ما يعرف معاني البسمله محمد ود صديق الحمد لله كلنا متعلمين علم وفهامه بر منشكي معظله عدنا كتاب الله حن له قاريين وخلي الزفن راعي الطرب يتحمله خليفه الصائغ ﻻنك فهيم الشعر شف حرفك يبين ما جاتني منه حروف منعشله بنقفل البيبان ، بنسد الخزين وبنخلي بيبان الصياصي مقفله محمد ود صديق شاموا البدو ونحنا معاهم شايمين يا بن مبارك شل عندك بوصلة هذا مثالي واسمعو يا سامعين ودعتك الله يا رفيع المنزله |
ما كل ثنينه شفتهم متزافين
عرفو معاني الزفن ويحشمو هله محاورة رائعة صح لسانكم الاثنين معا متزافـنين أصح دمت بود ،،،، |
اخي العزيز والشاعر القدير خليفه الصائغ محاوره جميله جدا ورائعه بينك وبين شاعرنا القدير محمد المخيني تسلموا شعرائنا مبدعين ودمت بكل خير وموده اخي الكريم وتقبل تحياتي |
السلام عليكم ورحمة الله وبركاته
محاورة طيبة بأحاسيسها ومعانيها العذبة صح لسانك الشاعر خليفة والشاعر محمد نتمنى لكم التوفيق والنجاح دائما إلى الأمام بإذن الله |
أخي الغالي خليفه الصائغ السلام عليكم ورحمة الله وبركاته محاورة كانت كــ لوحةٍ فنية مغمورةٍ بالجماليات ونص يحمل بين طياته مفردة تستحق الوقوف صح السانك والسان الشاعر محمد ود صديق تحياتي وجل تقديري |
ياسلام ياسلام والله انكم امتعتوني بهاذي المحاورة الجميله جدا والخفيفه ياسلام عليكم ياسلام
الصراحه من مثلكم نخسر عدم مشاركتكم فالميادين الاخ خليفة والله |
الشاعر المبدع خليفة الصائغ الشاعرية لحن يعزف في القلب فترتوي مساحاته نص شعري جميل وشاعرية نعتز بروعتها صح لسانك ولسان شاعرنا : محمد ود صديق |
| الساعة الآن 03:04 AM. |
Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir