صافاني الشعر وصافيته
عصاني الشعر ولكني تحديته ولعن ابو شعر(ن) تحداني مسكته من زمامه وبكيته وطاوعني بعد ما عصاني وهذا الشعر كل سطر(ن) ابيته وكل جمله بها عده معاني والي ما يستوي فالشعر سويته وفكيت به عقده لساني ببحوره وقوافيه راعييته واتقنته بحكم الاوزاني والي ما عرفته للحين تهجيته وصاورته بفكري واقلامي وهذا الشعر من صغري تمنيته وصرت احلم به في منامي كبر الحلم والشعر جاريته وتحقق لي جزء من احلامي بس كامل الحظ مارييته مع اني تمنيت القاه جدامي ولكن هو الحظ حظ سميته وهذا الحظ بعد عني وجافاني ولكن ابد ابد ما نسيته وبه علقت كل الاماني وهذا الشعر في صدري احتويته واتخذته اساسي وعنواني وشي غيره ابد ما طرييته الا الشعر هو بس في لساني والشعر صافاني وصافيته وبعد صافيته وصافاني هذا بعد ما هنته وذليته وبعد ما قهرني وبكاني |
السعديه .......مشاعر جميلة اختي
للامام وانتي قدها |
اقتباس:
|
إيش سالفة التعديل؟؟؟؟؟
ننتظر القصيدة |
اقتباس:
الوزن مختل في النص كيف تعرفين البحر اللي تكتبين عليه..؟؟ عندج خيارين: 1- يا تتعلمين الشله وطريقة الغناء. 2- يا تتعلمين التقطيع العروضي. القصيدة جاءت على وزن "مفاعيلن مفاعيلن مفاعيلن" وبالتقطيع العروضي: لو خذينا مثال على البيت الأول: عصاني الشّعر لكنّي تحدّيته أول شي نكتب الشطر كتابة عروضية: ع صا نش شع ر لا كن ني ت حد دي ته م فا عي لن م فا عي لن م فا عي لن ب - - - ب - - - ب - - - ملاحظة# في الكتابة العروضية نكتب الكلام بحسب نطقنا له باللهجة التي استخدمت لكتابة الشعر اللي اطلبه منج انج تتعلمي التقطيع العروضي بسبب دقته في تحديد الكسور في الوزن وبعطيج واجب: قطعي الابيات التالية: (بي همّه اتناطح سحاب الأمه) (العيب ما هو في زمن عيبه الناس) (بلادي كنّها الجنّة شواطي خاشمت وديان) واذا قطعتي صح لج هدية ..... والواجب الثاني انج تكتبي قصيدة من 5 أبيات فقط على اي وزن ترتاحي له سلميلي عليج |
أخي محمد بن ضحي
سعداء بوجودك معنا ، وشكرا لك على الملاحظة الثمينة كلامك صحيح ، وسنقوم قريبا بافتتاح الأكاديمية الشعرية هنا لتعليم بحور الشعر وطروقه وبعون الله ستستفيد أختي السعدية من ملاحظاتك ، ومن خلال متابعتها للدروس .. وفقكم الله |
جميل جدا اختي السعدية ..
انا اشعر باختلال في الوزن .. ومثلما ذكر الشاعر محمد بن ضحي .. طبقي الواجب بسرعة .. واكتبي على مهل وان شاء الله ننتظر نص جديد .. بالتوفيق |
أشكر أختي السعدية على ما كتبتيه
سلم لسانك |
الساعة الآن 12:27 AM. |
Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir