الشوق
أسعد الله مساءكم ، قصيدة متواضعة من الارشيف كسراً للغياب ، عسى ان ترتقي لذائقتكم العذبة .. الشوق ينبت في خفوقي رياحيـن وأسقيه من دمع أشتياقي لعيونـك واليوم صدري عامر(ن) بالبساتين ووروده الحمراء خذت منك لونك سياجها ضلوعي وحراسها العين تحرس وروداً ترتجي مد عونـك تعال وأقطفها قبل طـاري البيـن وقبل السنين تخونـي أو تخونـك والله أنا مشتـاق ياكامـل الزيـن شوق الحرير اللي تمنى متونـك سنتين مرن من غيابـك لهالحيـن وأنا الأسير المحتجز في سجونك كلما ظهـر لي الفجر أقـول آمييـن يمكن بطلع الشمس تسقي غصونك وكلما ضواني الليل أزقر وبعدين متى تنور عمر مـن يهتونـك؟؟ وتميت ع ذا الحال عاماً وعاميـن وكل الجوارح يالغـلا يرتجونـك ومن القصايد خط فكري دواويـن كله لعيونك يابعـد مـن يبونـك ودعيت ربي مع صفوف المصلين أنك ترد ال من ذبحتـه بجنونـك وخاب الرجا فيكم ياسيد المزايين وأنته خلي البـال همـك فنونـك همك برحلة من ديارك إلى العين وأحيان في مسقط تقضي شؤونك ومره بصلاله ومره بدبي يازيـن ومطار قلبي ما خطر في ضنونك تعال شرف في ضيافـة كريميـن القلب بيت (ن) حاتمي بايصونـك والله بتعيش العمر ما تشتكي شين ودامي انا ابراهيم والله ما أخونك |
الله عليك شاعرنا قصيدة رائعة بجمال الصور وسمو المعاني ابدعت...ابدعت وان شاء الله يرحمونا قلبك:) مملكة |
سنتين مرن من غيابـك لهالحيـن
وأنا الأسير المحتجز في سجونك الله عليك يا الأسير كلمات راقية في معانيها وفي تصويرها الجمالي احساس جميل والأجمل جود قريحتك تقبل مروري |
يا سلام عليك ابراهيم
قصيده رائعه .. و ارشيفك زاخر بالشعر و المشاعر الصادقه و العذبه .. صح الله اسانك .. دمت بود |
قريتها وايد
وسعيد لاني اقراها للمرة الثانية ابراهيم شكرا لقلبك الخضر |
اقتباس:
لك جزيل الشكر والتقدير على المرور العذب والرد اللطيف،، وعسى يرحمون!!!:) تقبلي ودي.. |
ما عليك زود استاذي الغالي كلام جميل جدا صح لسانك تقبل مروري |
اقتباس:
لك جزيل الشكر والتحايا على الرد والمرور العذب،، والاروع تشريفك.. تقبلي ودي |
اقتباس:
وصح بدنك ،، وتسلم يالشبعني على المرور والرد الطيب.. تحياتي .. |
السلام عليكم ورحمة الله وبركاته..
اخي الغالي وشاعرنا السامي ابراهيم الفزاري،بك اهلا سيدي تأكد بأن الكيف يحتاج مايقند افكاره واستراحه على ذوق فريد ومزاج رايق وهنا كرم اطربنا شعر واحساس عذب مرهف في عتابيه تجرها ربابة الأشواق على اوتار الحنين عساها امورك دوم باهيه وتستاهل الخير وفنجان الصباح ذوقه غير من بهار دلالك بارك الله أوقاتك وأسعدك بأذنه، احترامي وتقديري |
الساعة الآن 06:48 PM. |
Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir