|
قصيدة "نوف"
القصيدة المتأهلة للملتقى الـ 18 :: ^_^ ! مدّ الزّعل هات اْلفراق ولاتشــــــــوف خلفك مدامي ناويه درب الفــــــــراق ماني ترا محتاجةٍ عطف اْلكفــــــــــوف والكذب يستوطن معك حضْــن وعناق ماتت فْـ جوفي طفلةٍ حمقى عَطــــوف واليوم لازم ينتهـــــــي شوط السّباق عشّمتــــــهــا ليلة أهــازيج ودفــــوف فستان أبيض والمعــــــازيم الرّفاق وارميتهـا حلْــــــــــمٍ تناثر ع الرّفوف دنياك (حَلْوى) تفتقر طعــــــم ومذاق تدري عشانك ما اكترثتبهم صفـــــوف لأني اصطفيتك دونهم قمـــح وعِراق مبتور حظّي أو عسى بختٍ يعـــــوف! والا الزّمن عاقد على فرحــي الطلاق هذي عيوني حطها بعينــــــــك ولوف إن كان تقدر نظــرة عيــــــــونٍ رقاق ما عاد في صدري مكانٍ للسيــــــوف ماعاد تتحمل هموم اكتــــافي ســـــاق بلبس أنا احرامي وبدعي لك واطوف (بيتٍ عتيـــــــقٍ) من بعد فـــكّ الوِثاق كم غصّة تخنق ولا يبلعهـــــا جـــوف وكم جوف ضيّق فجوته كثر الخنـــاق ومادام أبويه عزّني وسمّــاني (نوف) بانوف عنّك وانت لوّح للفِـــــــــــراق |
احترت اي بيت اقتبس من القصيدة
لأنها كلها من اولها لآخرها ابداع قصيدة رائعة بمعنى الكلمة صورها الشعرية والمشاعر المتدفقة والقافية عزة النفس والشموخ العالي يعطي مذاق اروع للحزن احييك اختي الكريمة |
الأخت الفاضله نوف الباديه السلام عليكم ورحمة الله وبركاته صح منطوقك وذوقك ولاهانت معانيك كلمات جميله وتخاطب الإبداع بكافة صورة تستحق بإن تكون هذه القصيدة من ضمن المتأهلات للملتقى ... وسيثبت هذا الإبداع في الأعلى سجلي إعجابي وتقديري. |
أختي العزيزه الشاعره/ نوف البادية
ياسلام ياسلام ياسلام على هكذا شعر ماعاد تتحمل هموم اكتــــافي ســـــاقبلبس أنا احرامي وبدعي لك واطوف سلامي واحترامي |
الاخت الفاضله نوف قصيده جميله جدا ورائعه تسلمي على هذه الابيات الرائعه مبدعه بحق وتقبلي تحياتي |
و اللذي رفع السماء أنك شاعرة و تستاهلين الناموس يا الشاعرة نوف البادية صور و سلاسة في التعبير و التنقل من بيت الى بيت بس أنا عندي ملاحظ على القصيدة بس ما راح أقولها أريدك تراجعين القصيدة من جديد |
هلافيك
قصيده جميله وتستاهلي التأهل ونشالله نسمع عنك كل خير دمتي بود أختي العزيزه |
مبتور حظّي أو عسى بختٍ يعـــــوف! حظك فالله اختنا نوف لو كل شخص قدر يرسم طريق حياته دون المقادير تنساب لكنا غير .. ولكنه الله يقسم لنا الخير ونعرف قيمتة بعد حين نوف ... قصيدة تستاهل الثناء وتستاهل التميز كوني كصلابة مفرداتك فأنتي شاعره قوية تحيتي لك نوف الباديه |
الأخت /نوف البادية
أهنئك على أبداعك الواضح في تراكيب هذه الأبيات الجميله وهي تدل على سمو في المشاعر والأحاسيس دمتي بخير وقصيدة تستاهل التأهل والثناء عبدالعزيز محمد |
نص ممتع يا نوف
كم غصّة تخنق ولا يبلعهـــــا جـــوف وكم جوف ضيّق فجوته كثر الخنـــاق أتمنى لك التوفيق |
| الساعة الآن 04:02 AM. |
Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir