وعظ وتنبيه
مقصب رزحه - أرشيفي سميـــــــت بك يا باعــث النبي ياسين + ونزَل الى الأمــــــه بحُسن بشايره أنظـــــــــــــم مثــال ٍ للذي قلبـــه يلين + ويعوف عن طمع الزمن وضرايره حظـــه الذي يسمـــــع كلام الواعظين + لانه الدنـا باغي الدنـــــــا ما معمره ترّك لَهـــــــــوّ الزمان ودرب الزايغين + ورغــــــــــب لمولاك العظيم وكبّره لي يريد يصبح عنــد الله من الفايزين + عن لا ينسى الفرايــــــض المقرره أدي الصلاه لانها الصلاه عمود الدين + والصوم واجب عَـــــــد أيام شهره ولا تغفل عن قرية النـــــــــور المبين + ومشي على سنّــــــة نبينا الظافره والحج واجب لكـــــن ينعفي المسكين + لي ما تكـون لـّه استطاعه ومقدره ولن جاك رجل ٍ عاثـر مسكين ٍ حْزين + ومغــــــــط يدينه عن ترده وتنهره يلّـــــــك ثواب وخيره عنـد الله المتين + كل من حاسن فقير ٍ يزداد أجـــــره والرزق في قبضة إلــــــــــه العالمين + لاتخاف عن يفــوت الحظ وتخسره مكتوب لك نصيبــــــــــك قبل مّا تبين + وارضى بعطيـــــة الله واللي يقدره واطلــــب يللي تريده مْـ الرب المُعين + من دون ألله لا تطلــــــــب مناصره ولن عضتك صـروف الدنيا والسنين + توســــــل للخالـــــــق وقلبك صبّره وان كان لك صديق ٍ عاقــــــل ٍ كَهّين + لو ٍ نصيفة ليـــــــل قصده وشاوره وبانبهـــــــــــــك لاتنسى بَر الوالدين + ما جايزلـّـك والديــــــــــــــك تكدره كم سحروا بشانــــــــك ناس ٍ باريين + يوم ٍ يحســــــــــــوا حالتـك متغيّره وسرّك نظر به رجـــــل ٍ فاهم ٍ فَطّين + لاتودعه يللي يعقــــــــــــــه وينثره واحفـــــــــظ لسانك إنها سيفٍ سنين + كــــــــــم واحدٍ تصبح لسانه تعثره وإذا حضرت فمجلــــس ٍ حَـ الخيرين + كلامك وزنـــــه ولن نطقت بأخيّره وحــــــال الأمانه نتصب رجال ٍ أمين + وحفـــــظ مال المودع عن لا تنكره ولا يغرلك شبابك والجســــم السمين + كم ناشي ٍ توفى قبــــــــــــل اكابره زور الأقارب والاهـــــل والمخلصين + لانهــــا الزيـــــــاره سنــــــةٍ مأثره والجــــــــار عامله على لطافه ولين + وصايـــا الهــــادي لا تفكّر مسخره وراعي النميمه لن جاك بكلام ٍ شين + لاترابعـــــه فكلامــــه ولاتشل خبره بيذم عنــــــــــدك أشخاص ٍ مكرمين + ومعهـــــم يذمــــك والكــــلام يغيره ولَبغيت تستعبد قلـــــــــوب الآخرين + احســـــن عليهـــم بمروّه ومزاوره بتشوفهــــــــــم عند النوايب زاهبين + ما تردهـــم عنّـــــك دروبٍ مخطره ولَبغيت تنصب لّك فحياتـــــــك قرين + سير وتنشّد عَـ العــــــــود وجذايره لاتقــــــول زينه وعليها وجهٍ حْسين + لايغرّلـــــــــك جمال الوجه ومنظره هذا مثال ٍ صادق وكـــــــــلام ٍ رزين + تنبيهٍ حّـ الـــــــــــذي متابع خاطره |
ماشاء الله معلقة تستحق أن تكتب بماء الذهب
نصائح ومواعظ جميلة يحتاجها كل مسلم ... صح لسانك أيها المبدع الكبير . تحياتي ومودتي ،،،، |
مااااشاء الله عليك أخي أبو هلال السوطي فعلا معلقة جميله بما تحتويه من نصائح وحكم
دمت أيها المبدع ولا فض فو ك تقبل تحياتي أخوك/بن ضاحي |
شكـــــــــــــــــــــراً
الله الله مشكور أخي ابوهلال على هذه النصائح الطيبة نتمنى ان تجد آذان صاغية بإذن الله تعالى تقبل مروري وتحياتي العطرة |
اقتباس:
على مرورك الكريم وما عليك زود |
اقتباس:
أخي العزيز عبد العزيز أشكرك على حضورك الجميل لك الود |
اقتباس:
بارك الله فيك تشكر على مرورك هنا |
الله عليك يا أبو هلال السوطي أبيات جميله في فن الرزحه تقبّل مروري أخي |
اخي العزيز ابو هلال السوطي قصيده جميله جدا ورائعه في فن الرزحه تسلم على هذه الابيات الاكثر من رائعه مبدع بحق وتقبل تحياتي ايها الاصيل |
اقتباس:
ِشكرا أخي سعيد البلوشي مرورك هو الأجمل دمت بود |
الساعة الآن 07:01 AM. |
Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir