سهير الليل
أسهرت يوم الليل خيم بداجيه=سهر الصويب ألي تزايد مصابه
ألي خبير الطب عيّا يداويه= عوقه خفي ما غير ربه درابه ومثل اللذي م الهم زادت بلاويه=قفى عنه كل الاهل والصحابه أو مثل مديون وديونه تناديه=صفّر جميع الارصده في حسابه جمر الغضا عندي تزايد لواضيه=من حرته باليوف زاد أشتبابه عيّت دموع العين عن لا تطّفّيه=لو وبلها من مثل وبل السحابه على زمانً مر بالفكر طاريه=حرك بي الذكرى وتذكرت لابه وقتاً مضى يا زين حكمه ومباديه=قفّى عقب ما نوّخت به ركابه يوم اللعب يجلي الهموم وينسيه=أيش حيلت ألي همه اليوم صابه اللعبه ألي ف الصغر كان ترضيه=ما عاد تنفع في صباه وشبابه طبع الدهر ما تصطفي لك سواقيه=لابد عقب صفاه يكدر شرابه يضحك لك أيام وليالي ف باديه=ومن عقبها لا شك كشّر نيابه شوف الهجن ف البر قلبي يسليه=وأرتاح من ضيق الزمان وعذابه وأحب درباً لو يطول البعد فيه=مع صاحباً من كثر جوده تهابه أتبع خطى المقناص لاخر مفاليه=ماعندي ألا بندقي مع زهابه متعوداً ضرب الهدف قلما أخطيه=لكن من سنتين أصعب صيابه طيف الحبّيب صار عني يغّشيه=وأبعدت طلقي بالفضاء لا يصابه. |
اخي العزيز والشاعر القدير حميد محمد السالمي ابيات جميله جدا ورائعه وفي غاية الجمال والابداع تسلم على هذه القصيده الرائعه والجميله ودمت بكل خير وموده اخي الكريم وتقبل تحياتي |
صبحك الله بالخير....
صح لسانك شاعرنا.... ماقصرت شاعرنا كفيت ووفيت ابيات قمة ف الجمال والابداع |
طيف الحبّيب صار عني يغّشيه=وأبعدت طلقي بالفضاء لا يصابه.
.. نرجو المزيد مما تعانيه .. حيث نهوى الشعر وحب الكتابه |
ابيات عذبه تهيم بالمتلقي نحو تخيل تلك اللحظات الرائعة في شرفات القصيدة الجميلة بك ..
سرني الاستمتاع بهذه الابيات الرائعة الأخ حميد محمد السالمي |
حضور يستحق الاحتفاء اخي الكريم..
صح لسانك اخي حميد ولاهنت منطوقك.. كن بخير. |
حميد السالمي للشعر أغصان أثمرت بروائع التعبير والمفردات المتفردة بالجمال لك الألق |
صباح الخير أخواني الاعزاء
عبدالله الراسبي بو عبدالله الدوحاني السعدي مروكم تشريف لي وجزاكم الله كل خير ربي يخليكم |
سعيد الطنيجي
وعفيفي مروركم هو الاروع يا أخواني الكرام |
أخي حميد السالمي لك التقدير فشاعر مثلك يسعدنا أن نكون معه ويكون بيننا همسة : نتمنى منك أن يكون الرد منفصلا لكل عضو تقديرا لجهود القراء والمتابعين حفظك الله وسدد خطاك احترامي لك |
الساعة الآن 07:27 PM. |
Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir