|
((أبو وضّاح))
أضع بين أيديكم هذا النص المتواضع ...فأنتم الأحق برؤية أي جديد..لأنكم ذائقة راقية فالشعر
بدون مقدمات .. عند أنفجار الجرح خرجت هذه القصيده بعد طووووووول صمت... على شطّ حبّك مات عزمي وأنا السباّح بحورك أنا أوّل من تعمّق فسابعها وأنا من رسمتي صورته عشق فالألواح وأنا دون ما أرسم وصورتك طابعها هجرتي وحزني كان يشبه حزن فلاّح يموت الزرع والأرض جفّت منابعها شريتك على بالي أبجني كثير أرباح سفهت العقل يومه نصح يا فتى بعها خسرتك وذا أنتي وسط صالة الأفراح وذي غلطتي للحين أدفع توابعها تزوّج بك الفارس وفاليد شال سلاح سلاحه ترف وجيوب بالمال شابعها وصوّب سلاحه لين عش الأماني طاح كسب غمّ روحي يوم عضّت أصابعها تصدقين من غبتي وأنا أسمي أبو وضّاح وهذي وصيتك واجب أنّي أتابعها لجل من يناديني أجاوب وأنا مرتاح سئمت الهموم الي فدربي أرابعها فمان البعد ما عاد باقي شبر لجراح شموع الفراق أطفيت أنا اليوم رابعها |
صح لسانك وكلام جميل جدا ما عليك زود تقبل مروري |
خالد الكويلي أنت الأجمل... مرورك شرف لي.......*اشكرك
|
راشد المشرفي... مبدع حتى الثماله
أبهرتني القصيده بها ألتقاطات قويه وصوره جميله أعجبتني مفردات القصيده أعجبتني القافيه الرنانه أعجبني بحر القصيده واتقنته بأحترافيه تثبت القصيده ليستمتع بها الجميع في انتظارك شاعرنا المبدع |
شاكر لك أخي تركي ،،، وأنتو تستاهلو ما يليق بذوقكم الرفيع،،، وعسانا دوم عند حسن الضن
|
اقتباس:
نص به كثير من مفاتيح الجمال |
راشد المشرفي نص جميل وكلمات رائعة اسعدك ربي دائما |
سعيد الحجري...أولي النهى .... شاكر لكم التواصل و رأي الجميع وسام ع الصدر دمتم بخالص الود
|
أخي العزيز راشد المشرفي السلام عليكم ورحمة الله وبركاته صح السانك ولاهنت أبدعت في أسطر أحرفك الراقيه واصل التألق فنحن بانتظار جديدك |
أخي أبو غنيم وعليك السلام والرحمه،،، اشكرك ونحن قطرة من بحركم العذب لاهنت يا خوي وتسلم لي ..
|
بوسنيده ماعليك زود الشاعر والله يعينك ع لفراق
|
شاعرنا المبدع
لقد تهت في مفردات القصيدة وتفاعلت مع المعنى لكن الجمال اكبر من أن أتقنه وأصفه قصيدة نابعة من الأعماق جسدت المعاناة والإحساس والصمود دمت بود |
محمد الشرقي شاكر لك تواجدك....ودمت بخالص الود..بس مسمى أبوسنيده خلاص قدييييييم الحين قلنالكم أبو وضاح...لاهنت يابو جاسم..
|
محمد الشعيلي انت الاجمل لاهنت... ومشكوووور ع الأطراء
|
المشرفي كلام جميل وعذب واتقاطات ملفته ورائعه ، ولغة جميله يا أصيييل نفتخر بمثل هذه النصوص صاحبي دم هكذا ، للشموخ والتميز عنوان تحياااتي لك |
هجرتي وحزني كان يشبه حزن فلاّح يموت الزرع والأرض جفّت منابعها هنا الشعر غير هنا مذاق يختلف هنا جرس موسيقي رائع اتقنت ياااصديقي نص راقي لم اشبع منه بعد شكرا لك |
اقتباس:
|
ههههههه طيب يا أبو علي ... تواجدك أجمل الأسماء و يكفيني
|
مساء الحنين ؛ والذكرى المحرقة
لا أدري أأناديك "أبو وضّاح"كما تحب أم راشد ؟! ولكن ما أنا متأكدة منه ؛ولا يجب أن أحتار فيه ؛هو أنك مبدع بحق ؛رغم صعوبة الواقع المؤلم الذي سردته لنا ؛بكل مصداقية وإحساس راقي ؛تفائل يا أخي إن بعد الليل صبح يرتسم ... ربي يسعدك |
الله يعزج يا أختي فاطمه،،،أي الاسماء أقبلها،،دام أنها نابعه من باب الأحترام والود،، وعلى طاري الحزن فصدقوني يا جماعه اني من النوع الي بعد ما يطيب جرحه يكتب،،يعني أصوره فقصيدتي بعد ما تشبعت منه،،،والسالفه صار لها سنوات،،بس الزواج أختم القصه وخلاني أكتب هالقصيده،،يعني الأموووووور طيبه،،وأشكر الجميع
|
رااااااائع وكفى...
يا اخي انت شاعر راقي وبديع ووارف وجميل.. اثملت انفاسنا شعرا يا راشد.. لافظ فـوك وبورك لك فكرك وقلمك. |
أخي عبدالكريم،،أشكر مررورك الي يثلج الصدر ،، شهادة منك تعزني،، لك الود،
|
تسلم
اخي راشد جميل هذا التعاطي مع النص لك التحية اخوك / صالح |
صالح السنيدي لك الشكر ع المرور،،،أنت الأجمل
|
| الساعة الآن 04:13 PM. |
Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir