|
نبضات قلب
تحية سامية وبعد..
هنا أيها الأحباب اختار قلبي أن يبسط نبضاته فلكم بكل نبضة مودة ووفاء |
ما عدت أصدق شي
ينقال له حب.. منهو يحب وثم يترك حبيبه؟! |
زليت باسمك من بعد ما تناسيت
اسمك وبعد اللي حبيبي نسيته.. أثره لساني مثبت اسمك تثبيت كلما طريت إنسان غيرك طريته!! "سبحان الله" |
أدري زعجتك
بس ما هو بذنبي إسأل خفوقي ليه بالحيل يغليك..!! "الحمدلله" |
أبسألك عن سر حزني ليا
غبت؟! يعني لزوم أحزن إذا صرت غايب...!! "الله أكبر" |
ما هي خسارة فيك
هاذي الوردة.. وإنتي الورود بكبرها في عيني..!! "لا إله إلا الله" |
كيف أنا أقدر أعيش بدون أمي
دام هي قلبي وتسكن في عيوني مستحيل إني أنا أحيا بلاها ما نستني لو بهالعالم نسوني "أستغفر الله" |
*يا بوي أنا يفداك
قلبي والحشا.. ما أبيع أرض إنت تمشي حولها!! أمشي شراتك كالظلال إليا مشى لو تمشي الأرض بعرضها وطولها!! "سبحان الله" |
أرضي شناص ولو بغيت أتكلم
كل الكلام بحبها يزهى به ولو قلت أنا معجب بأرض جدودي أختار موتي وسطها وأحيابه "الحمدلله" |
رتبي هاذي الضلوع اللي تحبك
واكسري ضلعي وابني به سفينه ما بعاتب لو للحظة ما عملتي ولا بقول الضلع هذا صار وينه دامك إنتي اللي كسرتي لي ضلوعي فدوتك ضلعي هدية تكسرينه "الحمدلله" |
مجنون من يلقى مثيلك وينساه
شلون أبنسى من يداوي جروحي "الله أكبر" |
تعود تحيا في بعدي
وتتنفس صدى الحرمان مثل ما أنا تنفستك صدى وإزداد حرماني!! "لا إله إلا الله" |
صرت أحب الحزن لإنه
صار يسألني عليك.. ما تعود ع الغياب اللي ينزل أدمعي!! خابرك لا قلت أحبك طاح قلبك في يديك ما فرق طاري غيابك دام حبك بأضلعي.. "اللهم صل على محمد| |
يا شارع العشاق تكفى تخليه
يطل م الشرفة على أمنياتي.. ما دام أنا ميت بحبه وأبغيه ما همني موتي ولابي حياتي.. "أستغفر الله" |
يا أم العيون اللي بها سحر وهبال
تكفين غطي هالعيون إرحميني لا شفت عينك كل شي داخلي مال أصلا بقى هو شي ما مال فيني "سبحان الله" |
- ليت كل ما في فؤادي لك يبين
وترحم اللي لك فؤاده بينه.. خانني حظي ومير الله يعين دامني في حب صوتك مدمنه.. الله أكبر صرت أنا كلي حزين ودي قربه مابي بعد الأمكنه.. كلما قفيت أرجع له دفين ليت يدفني بقلبه وأدفنه..! "الحمدلله" |
لا تقطع وصالك
تراني بلا روح وإنته نزعت الروح يا روح مني!! "الله أكبر" |
أشتاق لك في كل حين
وكل وقت وكل ساع.. الله يسامح هالهوى لمن طرى اسم الوداع! ما صرت أحس بدنيتي من يوم ناظرتك ورحت.. هو ضاع عمري يالغلا؟ وإلا الغلا من عمري ضاع!! "لا إله إلا الله" |
كل ما صافحت يا عمري الكتاب
شفت طيفك في تفاصيله معي!! "أستغفر الله" |
لو نقص هذا المعدل
ما نقص عندي غلاك إنت حبك يا حياتي دايم بقلبي يزيد!! "اللهم صل على محمد" |
كيف أجيلك بعد كل هاذي الجراح
إنته شي مر في عمري وراح.. ما بقت فيني مساحة للجروح السموحة منك وأطلبك السماح.. "لا حول ولا قوة إلا بالله" |
منهو إخترع هالهاتف اللي بإيدي
أبغي أقبل راحتيه ويمينه.. قرب وصال اللي وصاله بعيدي لا فرق الله بين قلبي وبينه.. هو ساكنن شريان دمي ووريدي وأنا سكنت بوسط دمه وعينه..!! "اللهم صل على محمد" |
أموت في صوتك
وبسمة شفاياك الله يصبرني على سكرة الموت!! "سبحان الله" |
- ولدت من جديد
عندما خرجت من رحم معاناتي إلى دنيا الإيمان بالله. - عندما نحب الله تتغير نظرتنا لكل شئ حتى للحب ذاته. - من أحب الله أحب الليل كثيرا ليختلي بمحبوبه فيناجيه بكل شوق. - فهمت نفسي وفهمت الحياة عندما لامس حب الله كل شريان بقلبي. - حين تكون مع الله يكون صوت السعادة صوتك بوضوح. "لا إله إلا الله" |
أنا أهون أشوف الدمع
يجري دم في خدي ولا أشوف الدمع لحظة يلامس عينك وخدك!! "الحمدلله" |
أموت وأحترق وأذبل
إذا شفتك مع أي إنسان وأنا مدري وش الأسباب وليه تزيد آلامي؟! افضل أخسر العالم وأذوق المر ثم أنهان ولا إني أشوفك يوم مع أية شخص قدامي.!! "الله اكبر" |
إرحم خفوقي وإرثي
لحال مغليك ضمد جروح هي بقايا طعونك!! "أستغفر الله" |
خلاص اللي جمعنا يوم
تبدل يا حبيبي راح.. وأنا ما عدت أتسائل حبيبي يا بشر وينه؟! "اللهم صل على محمد" |
"الحياة الحقيقية مع الله
والحب الحقيقي لله ولا إله إلا الله" |
| الساعة الآن 09:43 AM. |
Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir