سكنتي في وســط هذي الحنايا يــا أميرة ليــن ..
تغــطِّيتي بضـلوع الصدر يا هالصدر يـا صـبره

تربعــتي على عرشــه تمر سنيــن تــلو سـنيــن ..
تعصري الفرح لامــنك رضيتي وتشـربي خمره

شريتك..بعت هالدنيا وقــبل لاتعـــرفي تــقــرين ..
كتبــتك بــأول سـطور الغــرام بصــورة وفــكره

ملكتيــني وأنا مملــك ســوى هذا القلــم فيــديــن ..
أخــطّ ســـطور هــالدفتر تــجي وتكمـلي سـطــره

أكتــبك قصــة البــاقي من ســنيني وأنــا مسـكين ..
أنا الاعمي الذي أبصر سنين تموت مــن عـمره

بكيتي إهتز بي قصرالحنــين وليــه بس تبكين؟؟
يهون عليك محــبوبك تـهزِّينـه وســط قصـره!!

أنا أول ملك يحــكم ومــمــلكته جــدر مـن طــين ..
وأنــا أول مــلك يكتــب وإنتــي دفـتــره وحــبره

يا أســماء عاشـت الأســما يداعبها زهر تشــرين..
يراضي غرورها بقطره ورى قطره خلص عطره

تســابَق بعضــها البعض ومنلي يحضنك يا زين ..
وجــالك جــابر بإيــده بقــايا أشــياء من صبــره

غرامك أشعل ضلوعي وطفِّيتي الشمع مرتين..
نويــتي فــراق ياأســما ولا خنــقــتكي العــبــره

أنــا خنقتني العـبره بكيــتك بــس مــا تــدرين..
مــن اول مــا ذكــرتيلي الغــياب وكــاره ذكـره

مفــكر نفســي الواحد ولا يقــسم أبــد نصِّــين..
قســمتي قلــب من فـكًّر فيــومك ما إنتظر بكره

أنا أبشرك يا أسما ترى وســط الحشاء تبــقــين ..
وأنــا ببــقى علــى ذكـرك وقلبي ما عرف يكره

ولكن..ذا الامــير إلِّــي تشــوفينه تــرى مسكيــن ..
بكيــتي إهتــز بــه قصــر الحنـين وشبَّت الجمره

هذه هي ولكم مني خالص الشكر..