|
اللغز التاسع
بسم الله الرحمن الرحيم أخواني وأخواتي/ أدارةٍ/ ومشرفين /وأعضاء/ منتديات السلطنه الأدبيه. نزولٍ عند رغبة القراء لمنتديات السلطنه الأدبيه والحاحٍ من بعض الأصدقاء اقدم لكم اليوم اللغز التاسع وعسى أن يحوز على أعجابكم أملٍ منكم المشاركه لحل اللغز وذالك بكتابة الحل ولايلزم الرد في قصيده كما كان في اللغز السابق ولكم جزيل الشكر أنــشــدك عــن بــيـتٍ رفــيـع الــتـصابي***** مــوزون مــابــه عــيــب أبـــداً ذمـيـمي واللـي بــنــاه أيـــدور خــلـفــه مــهــابي*****صــيــاد مــاهــــمّـــه يـرد الـخـصـيــمــي ذكـــره ورد مـــابـــيــن آي الـــكـــتـابــي*****ربّـي ضــرب بـه وصف يـتـلـى مـديـمـي لــجـل الـعـقـول اللي عــتــت فــالـخطابي*****شـفّـاف ويــبيـن الـغــزل بــه نــعـيـمـي يــظــهـر شـــرات الـثــّلــج حسنه دهابـي*****أحــسـن مـن الـخـطـاط فــنــّه صـمـيمي مــعـمــار هــو يـبـنـي دقــيـق الـهـدابـــي*****حـايــز عــلى الـحــيـلـه بـفـكـرٍٍٍٍٍٍ حـكـيمي دومــه يـجـر الــخـيـط وســط اللــعــابــي*****شـروى الـذي فـــارش ويـبقى مـقـيـمي سالم محمد سالم الوشاحي ((أبوسامي)) |
بيت الـــــ..ك..وت |
بيت العسل
او خلية النحل ..... |
دامك قلت :
واللي بناه يدور خلفه مهابي .... دومه يجر الخيط وسط اللعابي .. فـ أكيد هو بيت العنكبوت مثل ما قالت السولعية |
بيت العنكبوت تسلم يا ابو سامي على ها اللغز الجميل .. |
الحين كلكم حليتوااا اللغز
إلا أنا طيب لو قال ابو سامي إجاباتكم خطا شو بتسواا!!! |
قولي مؤكد ما أضنه يخيبي
مثل النجوم الزاهره بالشهابي العنكبوت أخيوطها شي غريبي حكمة إلاه الكون هذا جوابي وسلمت يا أبو سامي تحياتي... شاعر الشمال |
لغز جميل ، وتعبير رائع .
الحل : بيت العنكبوت |
شكراً للجميع على المشاركه في اللغز التاسع لمنتديات السلطنه الأدبيه والف شكر لمن ثبت الموضع ولو اني كنت آمل أن يستمر ولو ليوم واحد حتى يستطيع أن يشارك الجميع في صياغة حل اللغز وهم من خارج المنتدى والذين سعوا لأن يروا ردودهم هنا ولكن ....... أشكر أختي الفاضله / السولعيه والمختلف غربة أسير سالم حمدان الحجري أبو مسلم الصلتي وسعى سالم الريسي إلى أن يتوهكم وهو يعلم أن الحل الصحيح معكم ولكن هيهات......... ومثل ماقلت ألكم قبل كنت أسعى لإن أجد ردود الأخوه من خارج المنتدى للرد على اللغز فلم يتمكن غير الشاعر عبدالله أحمد صقر المعمري من حل اللغز وأرساله لي في الأبيات التاليه: بـسـم الـذي عـلّمـك فــصـل الخـــطابـي*****سـمــيـــت وأتـــوكــــل ع ربٍ رحــيـــمـي ســامـي يابو (سامي) ووافي النـصابي*****مــحـضـرك قـانـونـي ولـغــزك ســلــيــمي للــغـار قــصــه وارده فــــي الــكــتابـي*****والــبــيت أيــه وعـــــبــرةٍ للـــفـهـــيــمي أو هــن بــيوتٍ بــيت يــبــنى بــلـعابــي*****ضــعيـف لــو مــا فــيه عــيـبٍ ذمـــيـمـي بــيــت (العــناكب) ذاك ذرّى الصــحابي*****وســيــد بــنـي أدم فــي غـاره مــقــيــمي تــســلم يــا بــو سـامي وسامـح جــنابي*****يــعــلك عــلى درب الــهـدى مــستقيـمي الحل( بيت العنكبوت ) الشاعر / عبدالله أحمد صقر المعمري |
فالك طيب نستمر كم ابو سامي معنا
يعاد للتثبيت |
انا الحين وصلت !!!!!!!!!!!!!!!
بس البركة في الشباب |
اقتباس:
يامرحبابك أستاذ حمد ماعليك زود دخولك بحد ذاته تشريف |
يستاهل التثبيت
وعندنا ابو سامي واااااااحد بس وان اقول العنكبوت طبعا ما غشيت وما ذنبي لقيت الاجابة جاهزة بس ليش سالم الريسي جاوب غلط اكيد ما يعرف تحياتي للغالي ابو سامي ولك يا سالم الريسي لكم وحشة جميعا |
وصلني أيضاً رد من شاعر خارج المنتدى وهو الشاعر سالم بن خلفان بن علي الوشاحي شاعر الشلات والرزفه وهو يثني على الأداره والمشرفين والأعضاء غــزلٍ غــزا فــكـري وريــت الــجـوابـي*****شـــجــــّاع مـالـــه نـــدّ أو لا خـصـيـمـي مـــددّ خــيــوطــه مــثـل مـــدّ الـسحابـي*****ع الــغــار بــأمــر الــلــه كـنـّه مـقـيــمي شــافــه الــعــدو ألــيـن ضــاع الصوابي*****مــحـتـار ويـفّـكـر بــأنـــــّه قـــديـــمــــي مـــايـــدري أنّــه آيــــةٍ فـــي الـكـتـــابـي*****مــن لــدن أربـــاب الـخـلـوق الــكـريمي (بـيـت الـعـناكـب) مـنـّه الـعـقـل شــابــي*****تـصـمـيـمه مـرتـب بـفـضـل الـحـكـيـــمي مـالـه قــواعــد ولاســاس الـــتــرابـــــي*****أنـعـم مــن الــديــبــاج لــمـسـه نــعـيمي وارجـوا الــعـذر مــنــّك يـاعالي الجنابـي*****يـاشـاعــر وطـبـع الـمـعـانـي حـشـيـمـي الشاعر / سالم خلفان علي الوشاحي |
اقتباس:
وليد الحضرمي وين أنته ياخي أدور عليك من زمان وين ها الغيبات تراك واحشنا تشكر ياخي أما بالنسبه لسالم الريسي يريد أيتوه الجماعه فقط لاغير تشكر ياوليد ماعليك زود |
ايضاً وصلني رد من شاعر من خارج المنتدى وسيكون بأذن الله قريب في منتديات السلطنه الأدبيه وهو الشاعر خلفان بن عبدالله بن خلفان الوشاحي الذي نرشف من كلماته البدواه والترحاب يـامـرحـبـا لــي صـــاغ فــن الـكـتـابـي *****ومــد الـقـوافـي بــذوق عـالي صـمـيـمـي أبــيـات مـثـل الــدر جــوهــر حــصابـي*****ولـغـزٍ بــه الأمـثـال مـعـنـى حــكــيــمـــي أحـتـار فــكـري بـيـن حــل الـصـوابـــي*****واسـهـرت لـيـن أنــزاح داجــي الـعـتـيمي بـيـتٍ رفـيـع وفـيـه شـيـب الـعــجـابـــي*****مــذكــور فــي تـنـزيل آيٍٍٍٍٍٍٍٍٍٍ عـــظـــيــمـــي و(بــيـت الـعـنـاكـب) صاب لب الجوابـي*****مـنـصـوب مـن لـيـّات غــزلٍ نــظـيــمــي واللـي بــنـاه بـــدون عـــد وحـــسـابــي*****فــطـره مــن الــمـعـبود ربٍ كـــريـــمـــي واخــتـم بـيـوت الـشـعر وآخـر كــتـابــي*****بــالــود والــتــرحـيـب مــنــّي مــديــمـي الشاعر / خلفان عبدالله خلفان الوشاحي |
الأخوه الشعراء المحترمين
نشكر تواصلكم معنا ونتمني لكم وقتا طيبا بمنتديات السلطنه الأدبيه كما نقدم شكر خاص للشعراء الوارده اسمائهم على مشاركتهم معنا متمنين منهم التواصل والمنتدي ملك الجميع الشاعر / عبدالله أحمد صقر المعمري الشاعر / سالم خلفان علي الوشاحي الشاعر / خلفان عبدالله خلفان الوشاحي شكرا مره أخري لكم والسلام عليكم ورحمة الله وبركاته |
| الساعة الآن 12:38 PM. |
Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir