قهوة الأشعار
 

وما زال الأرشيف ينصح شعرا...
كتبت منذ سنتين



قهوة الأشعار


يا قهوة الأشعار فصلي الرجاجيل // صالح وطالح لين شعري تمايل

الصالحين أكثار في قمة سهيل // ولطالحيـــن اليــــوم رد الجمايــل

شبهت حسادي بـ بــن البرازيل // لأن مرَهم واضــح مأثر وهـــايل

الماركـه زينه وشرايــه أتــكيل // قـــدامنا أصحـاب والصـدر شـــايل

لأني ثمرت اليوم يرمون بالحيل // ينســـون أنـــــي عامللهم عمــايل

ينسون أني ماذخرت المحاصيل // ينســـون أنـــي لـــي يطفي الفتــايل

جايب لهم تاوه قبل جدي أبجيل // بحمـــس كبود أعداي والشــر زايل

لي نجر بغدادي ومشراي تفصيل // بطحن ضعيف الطبع لو كان قايل

حشمت أشعاري من القال والقيل // واحطب من الصلان قــول ومثايل

هديت نــار الشعر واحط واشيل // فاحت صدور الطيب عند القبــايل

دلــه من القيفــان وبنكهــة الهيل // قهويت جمهوري بهاجــوس حــايل

قهويتكم أبيـــات هزو الفنــاجيل // أسقيتكم من كيف فكــري رســـايل

والحين سمعوني وخلوا المهابيل // عنــدي لكـــــم بيتين فيهــن دلايـل

أنتو وانا والشعر في قمه أسهيل // حـــن أتفقنا الحين نبقى زمـــايل

الصالحين أكثار همه الحلاحيل // وانتـو سنـادي اليوم قــول وفعــايل


الشاعر / تركي الحبسي

يووووووووووووو يا تركي كل هالجمال و ذاخرنّه عنّا..........ياخي ودي أصفعك الحين!!! عندك هالقصيدة وما قريتها ولا سمعتها منك!!! عموووووووووماً قصيدة روعه بصراااااااااحه و جميلة جداً جداً ...صح لسانك...
بس اتحفنا بالجديد يا بو فيصل نبا جديـــــــــــــــــــــــــــــــــــــــــــــــــد بسك من القوى العامله افضى لنا ياخي...
شبهت حسادي بـ بــن البرازيل // لأن مرَهم واضــح مأثر وهـــايل((( ع كثر جمال هالبيت بس كرهته ياخي))!!
لأني اكره البرازيل وانا ارجنتيني متعصّب................ ياليت لو تحذفه و تراعي شعوري:(

أخي تركي..
أعذرني على عدم استطاعتي هز الفنجال فنفسي ترغب بالمزيد من دلة شعرك العذبة ..
قصيدة تعبق بنفحة البن والهيل .
كتبت بحروف الجمال. وولدت من رحم التميز والإبداع..
صح لسانك أخي.
دمت بود.

ابو سامي.. انت الشمعه اللتي لا تنطفي..

ألف شكر على تواجدك

وشكرا على كلامك الطيب

صدى الونه... تواجدك هو تشريف لي وللقصيده


شكرا لك من الأعمااااق


اتمنى ان اقرا لك قريبا

صـديقي انت هنا مختلف بأختلافـات الفصول الاربعـة

قصيدة برغـم خشونة الشعر فيهـا إلا انها كانت براقة
ومكتظة بالشعر..

بيت هزني..

حشمت أشعاري من القال والقيل // واحطب من الصلان قــول ومثايل

صح فكـرك يا تركـي على هكذا شعر..


فـالك النجـاح دومـاً..

يسعدني تواجدك..

وكلامك يبهج القلب


شكرا لك..

خليل عفيفي.. أستاذ الشعر..

تواجدك مشرف جدا جدا جدا..

شكرا من القلب..

يا مرحبا مليون بالراسبي..


الجمال في تواجدك ..

شكرا على كلامك الطيب..

كن بالقرب

تركي الحبسي
 

تسلم يالغالي.. وافي الله يسلمك


ومشكور على تواجدك وردك الرائع

هلا وغلا ام أفنااان..

تواجدك يزيد المكان جمالا..


شكرا على كلامك الطيب.. وشكرا على نقاءك وطيبتك..

ألف شكر

راشد انا احبك ياخي.....

والجديد جاي.. صبر صبر..

وتعجبني يالأرجنتيني..

تعرف بن البرازيل له شهره بجودته.. وحسادي كذا كان ... بس الحسد فيهم

مرهم واضح ماثر وهايل..

بس من جبت التاوه.. عرفت لهم..


تحياتي صديقي كن بالقرب..

أولى النهي.. شكرا على الأبيات الجميله


والأبداع والكرم هو تواجدكم هنا..

شكرا لك

سعيد المشرفي.. هذي من أجمل الردود اللتي وصلتني..


شكرا من القلب

شاعرنا القدير .. شكرا من القلب على هذي الأبيات الجميله..


صـح لســانـك ياتركـــي مثلك قليـل
للي يـبـدع الأمثـال اِ بـهـا الجـزايـل

شكرا مره اخري

وشكرا على تواصلك الدائم مع المنتدى

تركي..
ولك وضعك وما تخفيه يفحه صدقك
قصيدة جزلة
دائما رائع

شاعرنا القدير والراقي شعرا.. شكرا لتواجدك

القصيده تتشرف بتواجدك

شكرا لك

علي السنيدي.. اتشرف بتواجدك..


كن بالقرب..

هلا ومسهلا بالاستاذ الكبير تركي التغلبي
هلا بولد وايل هلا بقلم الشعر ونبض الاحاسيس ياكبير وش اقول عن تحفه مطرزة بماس
اعجبني البيت الذي تقول فيه
جايب لهم تاوه قبل جدي أبجيل @.........الخ
رغم غرابته

أستاذنا الغالي.. كلامك يثلج الصدر

لا عدمناك..

الله يحفظك

شكرا من صميم القلب

خميس السعدي..

شكرا على تواجدك.. ألف شكر