|
صوت الليالي حزن
مخنوق من صوتي ياصاحبي والسجن في فرحتي موتي انا السحاب..المزن انا الظما.. قوتي |
بقلبي حب وازهار وأغاني
ابهديها لمن..؟ يا قلبي المطعون اعاني لا حشا ماني اعاني ولكن الحزن هو صاحبي الملعون |
اجيلك والطريق اضيق من انسامي
اخاف الوعد يذبل والسنين قصار توسلت الخطى ما ترهق اقدامي اجيلك.. لا انا واعي ولا منهار كفرت بوحدتي يا عزة اسلامي تعبت من الحزن من اول المشوار اجيلك.. وادري انك حبل اعدامي امانه خلصيني من زمان العار |
اجيلك والطريق اضيق من انسامي
اخاف الوعد يذبل والسنين قصار توسلت الخطى ما ترهق اقدامي اجيلك.. لا انا واعي ولا منهار كفرت بوحدتي يا عزة اسلامي تعبت من الحزن من اول المشوار اجيلك.. وادري انك حبل اعدامي امانه خلصيني من زمان العار |
بعض الحكي عادي
بعض الحكي جارح يا عيد ميلادي وين انت بس سارح مذبوح ف بلادي من ليلة البارح |
طبعا امس كان عيد ميلادي
واحتفلت به مع نفسي |
كان احتفال بسيط جدا
واهديت نفسي بعض قصائدي |
حبنا المشلول من اول بدايه
ما رضا يصحى وانا حبي كبير التعب بابي ومفتاحي اسايه وكلما شفتك اقول اني بخير يا حبيبة واحد.. حزنه عبايه يا اسيرة واحد.. اصله اسير اعشق عيونك الى حد الغوايه لو حرمتيني عيونك.. وين اسير؟ |
الى روح الفقيد المنتصر الخنبشي..
بأي دمع هذا المساء ابكي وعيون البكا ماتت بأي حزن هذا المسا احكي وكل الحروف ماتت يالمنتصر.. يالراحل ف قلوبنا كيف الصبر..؟ وهذي الحياة صارت بدونك هذي الحياة صارت فراغ وانت غايب يالمنتصر.. |
نهارك ايش..؟ يا حامل وطن موتك
نهاري.. غرفتي.. ضعفي.. انا دوني انامك يا وطن.. واصحى على صوتك واقول انك سماي وسكبة مزوني أحبك يا وطن.. يا مطول سكوتك كرهتك يا وطن.. يا مبكي عيوني |
يا صاحبي المحتاج
هذا البلد مشغول مثلك اريد علاج.. في موطن البترول |
أحبك وانتي أكبر من غلا عيني
أحبك لو على نفسي وموازيني أحبك كلمة ما دونها حاجه أحبك لين تقطعني شرايني انا مثلك تعبت من الزمن واجد ولكن التعب لجلك يقويني تعالي نكتب الدنيا قصايد ونهزم بالشعر من هو يبكيني تعالي من قبل اخسر ودادي واحطم ساعة الغرفه ويديني أحبك واقسم برب البرايا وانا ما احلف علي شي يأذيني عرفتي ليه هذا الحزن كله..؟ انا بدونك حزين وكاره سنيني أحبك يا نهار العمر وانتي ابي انك.. تحبيني تحبيني |
كتبتك والقصايد ما لها داعي
اشوف ان الزمن ما ينصف المحزمون |
نص قديم
الصباح يموت في حضن الضرير والمسا في حد ظني اسئله كلما اضويت شمعه للحرير تنطفي.. والشمع عين تشعله ما خذيت من التعب الا الكثير والكثير من التعب من يحمله لو عطوك الباب واعطوك المسير اخر دروبك توصل اوله او دروبك لو تكون بالف خير هذا يعني صعب انك توصله بس الاصعب لك جناح وما تطير لك عيون وما تشوف من الوله يا تواجه واقع الحال المرير او تعيش ولك مراره تجهله في كلا الحالات مجهول المصير او بمعنى انت اصل المشكله طبعنا ما نوقف الا للكبير وطبعنا نرضا سلوك المهزله الصباح يموت في حضن الكثير صايغين الهم فرحه مخجله والمسا شباك يا وجه البصير حالنا وخزه براس المنقله اسهل الاشياء انك بالاخير واعظم الاشياء ما تستسهله مرحله ما بين جنه وزمهرير وانا مادري اي صوب المرحله دامنا نرقد على ابسط سرير وشي نكره نرتميبه نعزله صدقوني هذا هو حال الفقير يرتكب ذنبه ويعجز يغسله |
الى الجفاف..
وساعة يدي ونهارنا العابس القاتم لا صرت اخاف من كل شي قادم وانا اسرق الضحكه لعيونها.. تعاندني عقارب الساعه ويعاندني الكلام محتاج انسى ومحتاج انام شوفي كيف انا محتاج اعيش..! وانتي في درب المواصل اعتذرتي حاجتي ما هي غيابك بين صدي ليه كل العمر احتاجك... وانتي غايبه.. مدري اذا باكر تردي قلت اخونك.. ما قدرت.. بس خنتي موعدك في ساعتي يغتال يدي |
من الاخير..
طيب ومسالم وكبير ابي اختار لي مركب وبحر..!! وانسانه تغير ومحتاج قفص من خزف اعيش فيه العمر ومحتاج ارجع صغير..! كم باقي من الوقت في ساعتي..؟ وكم باقي من العشق وكم باقي من الحزن الغبي النذل.. الفارغ.. اللعين الحقير..! كم باقي من الصبر..؟ وسلامة البدن وحبنا المخنوق كم باقي عشان افوق..؟ وانا الفقير الفقير من الاخير.. كل الامنيات تموت وكل الكلام سكوت..!! محتاج اكون وحدي بلا انسانه بلا مركب بلا بحر بلا ساعه بلا قفص من خزف بلا حرير محتاج حزني الحقير |
يا الغايب المنطفي..
ف ليل النعاس خلف حبري وكراسي يا المختفي بين كل الاثاث..! سمعني صوتك وحكيك وينك..؟ صارت الساعه ثلاث يا الغايب المنطفي.. من وين اشوف لعيونك وصل واغاني اتعبتني المشاوير والاماني قلت لك الف مره مليون مره.. اني اعاني.. ليه تختفي عن عيوني..؟ ليه تختفي..! تعال وقت الهدوء وقت يأسي وشرودي وقت ابتسامتي الضيقه ومووت النعاس تعال انتشلني من الفراغ والعدم واليباس تعال محتاج واحد من الناس واحد واحد عشان احس بالفرق بين الوحده.. وبين معك واحد تعال يالمختفي.. اريد اغنيك.. اعزفك ارددك بحروفي تعال يالمختفي انا جالس على الشرفه القريبه احسب الوقت الدقايق الثواني.. تعال قبل انطفي |
التقيك..
صعب التقيك.. من اسبوع مشتاقك من اول البارح كنت اشوفك ف حلمي وف همومي.. وضعفي كنت اهذي بك.. كانت اصابعي ترتجف قبل اكتبك كنت منك وفيك..! حبيبي التعب في عيوني كبر كيف اعلمك عن حنيني والسهر..؟ وانا اللي كنت دايم اترجاك عفوا كنت ارتجيك ارتجيك تحس فيني وف حياتي الضيقه كنت ارتجيك تخلصني من التعب ومن الحزن بس خاب ظني فيك عادي عادي انا مبسوط مع تبغي ورمادي مبسوط حتى من حزني وسهادي كان ف خاطري التقيك بس مدري اللي حصل صارت همومي نصل ونسيت اسئل عليك |
ثلاثين عام..
بين السكوت المر وبين الكلام شغلت نفسي كثير.. بالسفر بالغياب بالحزن بالتعب والتفاهات بالحلال بالحرام..! المهم شغلت نفسي كثير وعميت نفسي كثير كنت الاول ف حب الحياة كنت الاول ف حب الناس وكنت وكنت وصرت الاخير.. اخاف يمر العمر وانا خايف من وحدتي..! وانهزامي وتفاصيل التعب ف وجهي وكلامي خايف كثير من الزمن ومن طيش الحزن من انعدامي ف نظرة ابوي وامي من عروق همي وشرودي والوحده الضيقه خايف من انقسامي..! ايه خايف من انقسامي ف نظرتي للناس خايف من الفراغ والملل خايف من الياس من الصعب قدامي متعب كثير كثير كثير اتصدقوا.. ثلاثين عام عايش ف انهزامي |
نص اهداء للسراب..
من علمك تكذب ؟ وتهرب.. وتعاند الارض بعض الكذب صادق..! وبعض الصدق مذنب من علمك تكذب..؟ |
يا ليت بس تصدق
|
رايح اشوفك وارجع..!!
اسحب ظلالي من النهار.. وارفع عيوني لوجهك.. وجهك الممتلي خوف و فرار رايح اشوفك.. مثل كل عاشق خبل يدوس الشوك ويتنفس غبار..!! انتي النسيم الصافي انتي عذر القوافي انتي الاشعار لو الحب كافي.. كان ما جيتك اتطلب انصافي على المدى المنهار أحبك أحبك مثل حب النوارس للبحر ومثل كل حب صادق حكايه ما لها اخر هذا انا الممتلي اعذار..!! عذر حزني عذر يأسي عذر وحدتي ويا مكثر الاعذار حبيبتي اللي رايح اجيك واسمعك واحتويك واشوف في وجهك حياتي واشوف عمري الباقي كوني النهار والحب واكون انا انا مختار |
يضايقني الفراغ..
وأحتاجك أكثر انا الوحيد من كل شي وأكثر يضايقني سكوتي.. واليباس |
بعد اذنك.. تركت لجيتك حاجه
امانه لا تمنيني على اللي جاي كفاني وحدتي والحزن واسراجه كفاك انك جهلتي مسلكي وخطاي ابرحل والعدم اسعى لمعراجه مثل ما يرحل بدمي وجع مسعاي كبربنا يا الزمن.. شيبي ومخراجه واقول اني صغير بداخلي واقصاي تعالي قبل ما ترحل معي الحاجه تركت الجرح والحزن الغبي واشقاي |
منساي.. والعالم المخفي
في غرفة مالها آخر النور فيها دايما مطفي مثلي.. وانا في ضيقها عاثر غرفه اكلمها.. ولا توفي اسمنتها ظالم وكافر..!! يا ليتها تاخذ بنصفي..! خارج مداها الضيق السافر مخنوق لو تعرفوا وصفي شبيت من حزني الوافر..!!! انا القوي..// الميت بضعفي في غرفة وصفها قاصر |
تضيق نفسي كان ما انته الاولي
جيتك اسير.. ورحت عنك اسير اخالف البخت وانتي متى تعدلي والعمر غيمة مطر.. راح منها الكثير من يشوف بحياته سيف عمره جلي اتوقعي.. ايش ممكن في حياته يصير شعلت حزن الليالي.. وانتي قومي اشعلي شاعر ما مداه الوهم يكتب بخير لين صار يشك..// بان حزنه ولي وغرفته معبده الدايم.. وقبره الاخير استغفر الله.. بس يالذكرى اقفلي اقفلي اخاف ابعد.. واشوف الكون مثلي حقير اتصدقي شاعرك مخنوق ف غرفة تمتلي (دخان تبغه).. وما معه شي غير |
في صحتك.. باقي على وعدي
اشتم فراقك.. واحسد احبابك..!! ليلة تعب..! مدري اذا اتعدي والقاك تحرسني على بابك عدت ليالي.. وما بقى عندي غير الغياب وريحة ثيابك |
هههههههه هههه
|
كريمه يا الطعون بوقفة الاحسان..
جروحك في الدواخل ما لها آخر كبرنا والعزم ما يطرق البيبان.. نشيب لحاجة.. ميعادها باكر وفينا والحزن مرمي على الجدران ضحكنا والفرح ف.. قلوبنا عاثر اصيله يا الطعون.. بداخل الانسان ولكني اعيشك.. جاحد وكافر |
والله ان بعض الطعون كريمه
|
قالت اسمع لو قصيدة من قصيدي..
ابغي رايك دون نقص ولا زوايد قلت حطي إيدك اليسرى ف إيدي.. يالله نمشي يا بعد كل القصايد |
اعتذر لكل الغياب ، هناك مساحة من الزمن تحتاجني..
مساحة زمن.. والف طعنة رماح يجرني الوقت لكل حزن ندي من كم جرح وليل.. وعتمة صباح وانا المخنوق بحبل الحظوظ الردي كم مضى من تعب..؟ كم بقالي جناح !!؟ محتاج ثغرة هروب.. اهرب وابتدي اي معنى حياة هذي اللي بجراح..!!؟ خلاص بضحك.. واكره الناس.. واشتم واعتدي |
الوعود مرت
مرت مرت مواعيدي بلحظة عتب وانفعال مرت مرور الخيال وأنا والتعب أطفال نلعب بالحزن |
احلامنا صلده بطعم الموت
للعمر ما يكفي سوى التأبين كانت لنا الذكرى سلال وتوت يا موحش الذكرى مع المنسيين لي غرفة ما تشبه التابوت تشبه فراغ العمر والمقفين |
| الساعة الآن 10:51 PM. |
Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir