|
سالفه الحين تذكرت عن شيماء
مره جات معها وحده من بنات الجيران والبنيه على نياتها قالت لشيماء : شيماء ايش تسوي حال شعرك عشان حلو وناعم آنا شعري غير ما حلو مثل شعرك. ( عاد شوفوا الدعاية والاعلان) ردت عليها شيماء : استخدمي شامبو كلير ترى نحنه نسوي شامبو كلير حال شعرنا وصار حلو وعليها سوالف كثيره بخبركم عنها وقت ثاي |
موضوع حلو كثيير , بخبركم موقف صار أمس .. في الكلية , كان يوم تعريفي .. و طبعا عبارة عن مُحاضرة يكلمونا فيها عن طبيعة الدراسة و كذا .. المهم القاعة فيها اكثر من 70 طالب , و المُحاضر عماني .. الأكشن : و هو يشرح لنا و احنا مندمجين معاه .. فجأه .. انقلب الكرسي ع ورا و طااح بقوووة :eek: عاد انا أريد امسك نفسي ما اضحك .. ما قدرت ههههههههههههههههههه و القهر كل ما جيت انسّي نفسي السالفة .. يجيني عقلي الباطن يعيد لي الموقف ف عقلي و ااضحك مرة ثانية :D هههههههه مسكين انحرج كثير , بس كيف انقلب الكرسي هذا اللي كلنا مستغربين منه :eek: |
وحشتني سواليفكم
هذا موقف من سنوات الطفولة البريئة كنتُ مع صديقي (ناصر) نلعب (جلولو) أو (التيلة) وكالعادة تنتهي اللعبة بفوز واحد منا وكان الفوز دوما حليفه مرة كنا نلعب بالشارع ولمحت أبوي جاي من بعيد لوالدي هيبة ووقار وهيئة مميزة تشبه هيئة الملوك :( وركضت له (كنت وأخواني نتسابق لمن يعانقه أولا) حتى لو كان جاي من مسجد الحارة وعندما عدت لمواصلة اللعب مع ناصر وجدته فاغرا فاه وقال من هين جاي أبوش قلت له أبوي جاي من السوق وفجآة شفت أبوه جاي من المزرعة قلت له هو أبوك جاي ومسكين جا يقلدني وراح يركض لأبوه عشان يحضنه ولكن :eek: أبوه دفعه بعيد وطاح ناصر وأنا في قمة الدهشة والأستغراب ولسان حالي يقول أكيد ناصر مسوي شئ وأبوه معصب عليه لكن مهما كان الغلط اللي سواه ما يستاهل يدفره كذا :( يحليله ناصر والحمدلله أنه أبوي مختلف عن أبوه |
على طارئ الأمطار هالفترة
منذ زمن بعيد في زمن كنا بلا عقول وفي موسم الوديان والسيول كان آبائنا يتجادلون حول نزول الوادي أو لا ذلك اليوم قررنا نحن ابناء العمومة الذهاب الى منبع الوادي اتجهنا جنوبا كان الوقت ضحىً ومشينا ومشينا ومشينا ومشينا ومشينا ومشينا ومشينا ومشينا ثم ضعنا في السيوح وطبعا افتقدونا ظهرا عند حلول موعد الغداء وعندما تبعنا الاهل وجدونا ليلاً كنا جالسين تحت سمرة وباقي شوي وبنموت عطش وخوف وأنطبقت علينا مقولة (ياالله بوادي عقول) |
مرررحبااا .. متهجلين الجماعة .. :rolleyes: عاد الله يسلمكم أنا من عشاق المقالب .. ومقالبي أشكال الوان .. مرة كنت مع بنت خالتي وجاء وقت صلاة المغرب .. وطبعا أنا كنت أصلي سفر فأنا توضيت وخلصت وصليت فريضة المغرب والأخت بعدها تتوضأ ( مطوعة ) الموهيم وأنا أخلص هي تدخل فجاتني فكرة مقلب أول ما دخلت هي الغرفة سويت نفسي أطيح اغماء .. وجات هي ترركض وتصرخ وتبدأ تصيح .. أنا من شفت الحالة انبزجت ضحك .. ووقفت هي مبهته قرابة الـ5 دقايق وطاحت فيي ضرب .. ههههههههه .. بجد أحلى ما عندي المقالب :cool: |
هيوا متهجلين وماناقص غير كل حد يعق سالفته
وسرى الليل وحنا ماسرينا هذه سالفة صارت لي يوم مولود اخوي رحنا نزور امي في مستشفى الرستاق وهناك وفي قاعة الانتظار ما يدخلوا حد لين يحين الموعد وبعد اللي صغار مايدخلون ونحن ننتظر قال ابوي برجع لك جلسي هنا وانا اشوف الرايح والجاي شفت واحد هيئته تشبه هيئة ابوي قمت وتبعته ولين خارج عند موقف السيارات اركض وراه ومسكت يده انتزق الرجال ويوم انتبهت لوجهه جلست اتلفت يمين يسار مسك يدي يسألني (لمن أنا) وأنا معرفت أتكلم خوفا وإرتباكا والإ أبوووووووووووووي جاي يركض صارووخ شافني يوم أركض ورى الرجال وحّرم الوالد يخليني بروحي * |
هلا وينهم الربع
كنت اقتل اللغيغ مفرد لغّة
واسمها بالعربية الفصحى الوزغ والاحقهن في كل مكان وفي يوم من الايام كان الوالد حاط تنكر ماي ودخلت تحته ادورهن وحصلت ثعبان وكان ع بالي وحدة منهن جيت امسكه من راسه وفجأة انتبهت انه ليس لغّة صرخت ثعباااااااااااااااااان أصبت بالرعب وناديت أبووووووووووووووووي غوووووول غول وجاء الوالد جاب قدف (القدف هو الطرف الاعلى من زورة النخيل ) (الزورة ) هي ورقة النخلة (على طولها ورقه ) نزين وقااام الوالد مشكووورا بإنهاء حياته ومن يومها لم اعد لقتل اللغيغ ^_^ ملاحظة نشرت هذه المقتطفة في مكان آخر ولكن مع اضافة بعض التفاصيل هنا |
| الساعة الآن 09:34 PM. |
Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir