|
موقف جميل استاذ سالم فعلا يضحك من مواقفي الطازجة هذي المرة لأنه صار أمس مو من زمان طالعين نمشي أنا وامي نعمل رياضة قرب البيت على الساعة سبعة ونص تقريبا المساء وخلاص بعد ما رجعنا صادفنا في الطريق جارتنا بعد طالعة تمشي وقالت لأمي رجعي مشي معي وأنا عاد خلاص وصلت حدي من المشي فخبرت امي روحي وانا برجع البيت عاد شو اللي صار أنا أصلا من طلعت من البيت لحد ما رجعت وتلفوني ما سكت كله مسجات الله يخلي الواتساب المهم رجعت البيت بروحي وأنا أمشي جالسة أرد على المسج فأنحرفت من الشارع وتعرفوا وين مشيت :rolleyes: في شجر صغير كله أشواك وحصى وما أدري شو بعد وكله أرد على المسج ولأنه الشوك عورني صرخت وعاد جلست أشوف حد هنا يمشي غيري وشاف الموقف الفظيع لكن الحمدلله كنت بروحي في الطريق لا تردوا على المسجات وانتوا تمشيوا تعلموا من أخطائي:p |
أيام الجامعة يمكن قبل 3 سنوات كان يوم الاربعاء والجامعة شبه خالية ...وع حدود الساعة 2 تقريبا .. انا وصديقتي مرينا السوبرماركت واشترينا ما لذ وطاااب ... فالبداية جلنا بنمر المطعم وبناكل هناك بعدين جلنا ما لنا بارض ازعاج فالمطعم بنجلس ف قاعات التأسيسي فاضية ... المهم اول ما فتحت باب القاعة اشوف الباب ينغلق وكل ما افتح الباب يرجع فجلت اكيد المسجل عشان التأسيسي معهم محاضرة استماع اكيدهذا المسجل وراء الباب ... والاخت فضولية لابعد الحدود وانا افتح الباب جلت بشوف شو وراء الباب ؟؟؟ تتوقعوا من حصلت ؟؟؟ ولد يالس وراء الباب انا ما شفت الشكل بس شفت شي ابيض ...سكرت الباب ورحت اركض واصرخ ع طول الممر ...هههههههههههههه... المهم ربيعتي شافتني ع هالحالة جامت الاخت تركض وتصرخ مثلي ما شايفة شو وراء الباب بس مؤازرة هههههههههههه.. هالموقف مستحيل انسااااه ... |
وين سواااالفكم ؟؟؟؟؟ |
رجعنا للسوالف أسيرة البدر وهذي المره معي موقف صار يوم الخميس يعني بعده جديد الحدث طلعنا أنا والأهل صوب العين نتمشى وكان معنا في الرحلة أختي وزجها وخواته وروحنا صوب مدينة الألعاب الهيلي خوات زوج أختي أول مره يروحن هناك وانا ما شاء الله علي كثير أروح وأحب ألعب خاصة الألعاب الخطيرة قلت حال خوات زوج اختي نطلع هذي اللعبة اللي كانت ما أدري اذا تعرفوها "اعصار الجبل" لعبة حماسية وتعور صح فهن يسألن تخوف اللعبة قلت لا مال صغار ما تخوف أبدا المسكينات صدقن وطلعنا أنا وخواتي في العربة الأولى وهنا في العربة الثانية صح كنت أصرخ لكن مال عيورية ماشي صدق ولما تحركت العربة مالهن يصرخن والدموع تنزل وينادين بصاحب اللعبة وقفها ويتوعدن علي وأنا مايته من الضحك عليهن وعاد لما نزلن من اللعبة شردت عنهم لأنهن عصبن علي :D وما صدقني أبدا على كل لعبة أريدهن يلعبنها معي شفتوا كيف سويت المقلب فيهن :p |
هههههههههههههههه حرام عليج ياهمس اكيد حصلتي دعاوي مسكينات الله يعينهن تسلمي |
موقف ما راح انساه واحد من الربع كنا داخلين مسجد وقت المغرب ومتأخرين والامام يقرا في سورة بعد ما خلص من الفاتحة وكان الميكرفون متعطل المهم دخلنا ومسرعين نبي نلحق على الصلاة معهم الا وعلى دخلتي اسمع الامام يقول ( ضالين ) وعلى دخلتنا كبرنا وقال زميلي أمين لا واللي في الصف الاخير ماتوا من الضحك وقطعوا صلاتهم ... واحنا نحسب الامام في الفاتحه وهو يقرا سورة ثانية ... وسكت الامام شوي وكأن وده يضحك ... واما انا كنت شوي وبطيح من الضحك. هههههههههههههههههه |
وين سوالفكـــــــــــــــــــــــــــــم؟؟؟ |
ننتظــــــــــــــــــــــــركــــــم هنا .... |
مرحبا أنا جيت وبجي كل يوم إن شاء الله
اليوم طحت بالموضوع الفتاك :) عندي أخت تصغرني بـــ ثلاث سنوات مشاغبة وملسونة والين اليوم مشهورة بشراستها المهم من زمان وأيام الطفولة السحيقة خرجت أختي من البيت (نسيت أقول إنها حواطة يعني تأخذ جولات خارج البيت ودومها في بيوت الجيران ) خرجت الصباح وجات حزة الغدى ومارجعت توقعت أمي إنها بيت أحد أعمامي أو الجيران متعودة لكن لما جات فترة المغرب ومارجعت بالعادة ترجع على فترات طوال اليوم تشتكي لأمي أنه أحد ما ضربها (وتستاهل ) لكن هاليوم محد شافها أمرتني أمي بالذهاب للبحث عنها مع العلم اني كنت اروح بدون تأمير ورحت أبحث بداية ببيوت أعمامي والجيران المقربين ومالقيتها وأمتد بحثي ليشمل كافة بيوت الحارة والوقت ليل وأنا خايفة أرجع بدونها وخايفة أتوغل بين بيوت الحارات ولكن عشان خاطر عيونها وخوفي عليها كان أكبر رحت الحارة القريبة وأخيرا لقيتها شعرها منشول وحالتها مبهدلة وتلعب مع شلة أولاد وكنت مرعوبة بشكل فضيع وخايفة عليها ومن شفتها ضربتها وركلتها وطلعت كل الغيظ اللي بيه عليها وسحبتها البيت و الأن بعد تلك السنوات كل مرة تقولي أنتي ما تحبيني كنتي دوم تضربيني ودي بعض الأحيان أصفعها نفس أول بس مشكلة كبرنا وشخصيتها صارت أقوى من شخصيتي وتسكتني بكلمتين |
ياسمين والله سوالفك حلوه ضحكتيني
ترى اختك هذي مثل اختي الصغيره شيماء مشاغبه للحين حتى المعلمات في المدرسه ما سلموا منها اذكر لها موقف كانت راجعه متأخره يعني نفس الشيء حواطه وعاد الوالده الله يرحمها معصبه منها وتريد تضربها ولما رجعت وشافت امي معصبه راحت تركض ودخلت تحت السرير وتقول للوالده امي ما يجوز تضربيني انا صغيره واذا ضربتيني بتدخلي النار الله ما يحبك صارت امي تضحك عليها وخلتها ومره كنا راجعين من معرض الكتاب وهي ماخذه مجموعه قصصه للاطفال أسمها القرد سعدون وصارت طول الوقت ليل ونهار تقرالنا سعدون وسعدون لحد ما كرهنا هالسعدون من كثر ما تقرالنا اياهم خذت امي هالقصص ورمتهم فالزباله واسترحنا من سالفة سعدون |
| الساعة الآن 01:16 PM. |
Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir