|
الأخت الفاضله أسيرة البدر السلام عليكم ورحمة الله وبركاته موضوع جميل راقئ أحييكِ عليه من المواقف المضحكه التي أرويها لكم ..لما كنا نعمل في أحد الدول المجاوره وفي أزمة الخليج بالضبط ,,,كان الجيش في طوارئ وقد أرهقنا الأيام ونحن نمني النفس بالخروج من هذا المعسكر الذي ضقنا به ذرعا وكل يوم ننتظر الأفراج أو البشير فقد هدنا التعب وذقنا الأمرين في ذاك الوقت ولم تتح لنا الفرصه إلا في يوم من الأيام وقد كنا في طابور الصباح وإذا بالقائد ياتي إلينا مستبشرنا كل يوم يظهر فيصل من السريه الفلانيه وجاء الدور والحظ على فصيلنا والحمدالله رب العالمين أعطونا بعض الساعات حتى نسلم على أهلنا ونرجع في ذاك اليوم الشاهد بالذكر بإن الجميع خرج مسرعاً حتى يتدارك تلك السويعات التي منحونا إليها نركب سيارتنا وإلى الدار .. حتى السيارت كانت مكتضه بالربع وصاحبنا هلال معه 6 أشخاص وهو 7 وهو يصيح بالربع يالله تأخرنا وينكم ماشي وقت وبسرعة البرق نرى بإن هلال سبقنا إلى محطة الوقود التي بعد المعسكر ومن فرط السرعة تذكر هلال وهو في المنعطف بإنه نسي تعبئة الوقود ويلف السياره بسرعه وإذا بها تنقل بجنب المحطه والأطارت تدور... شفنا هذا الموقف والأخوه يظهروا من السياره والحمدالله مافيهم شي ولكن بداء عليهم الضحك بشكل هستيري .. وهم يتكلموا باللهجه العمانيه يالله هلال عبي تراك جنب المحطه اللحين والغريب في الأمر بإن خرطوم البترول جنب خزان الوقود بالضبط . |
من المواقف التي احزنتني كثيرا جدااا ضياع ابنتي البالغة من العمر ثلاث سنوات في دولة الإمارات والمصيبة رايحين عرس وأثناء التجهيزات والإستعداد للعرس ارادت الذهاب للدكان المجاور من المنزل ونظل لمدة أربع ساعات متواصلة نبحث عنهااا ولم يبقى في اي شدة وتباطئ النبض عندي وواني فقدتها للأبد علماً بان الجيران من جنسيات مختلفة واخذنا جميعا نبحث دون فائدة وبعد ان انقطعت السبل بنا وانهكنا التعب اتتنا القدرة الإلهية فوجدناها قد سارت مسافات تقدر بخمس كيلو متر تقريبا وقطعت شوارع مزدوجة مكتظة بالسيارات وعلما في مدينة أبو ظبي لا أعلم كيف مرت وأيضا أنهكها التعب والعطش ...ربنا يحفظ فلذات أكبادنا ...والله لا أعلم ما حدث لي ربي وحده يعلم ما حدث لي ....كنت بيني وبين الجنون و الموت شعرة ... نلتقي معكم في مواقف أخرى ....وااااااااااااااااااايد عندي مواقف ....:p |
من مواقفي المضحكة واللي لحد مليون سنه ما أنساها هذا اذا عشت لحد مليون سنة:rolleyes: في مرة قبل عيد الأضحى طالعين أنا وأختي نمشي بالقرب من البيت وطبعا العيد قريب يعني العالم كله عندهم ثيران عشان يذبحوا للعيد .... وجارتنا الثيران مالها اتفلتن وكان أثنين .. وكانن يركضن صوبنا أختي تقول نرجع البيت قلت لا ما أيجين صوبنا وبالفعل واحد غير مساره لكن الثاني حاط عينه علينا وصارت أختي تركض صوب البيت وتصرخ وانا واقفه أشوف الثور يركض صوبي ولا تحركت تجمدت مكاني عقلي الباطن ما أشتغل وأتصرف:o وصار بيني وبين الثور قاب قوسيين أو أدنى :eek: عاد لما شفت ولد الجيران يركض صوبي عشان يبعد الثور شيختكم همس ذيك لحين عقله الباطن أشتغل وصرت أركض صوب البيت وأول ما وصلت البيت جلست أضحك على نفسي يعني فعلا ما ينتسى نصيحة لا تمشيوا قرب العيد :D |
ههههههههه حلوه ياهمس انا عندي موقف ما بنساه ابدا ابدا.. مره كنت طالع مع زميلي وكانت ايام الثانوية شردنا من المدرسة وقلت خلنا نروح صوب المجمع الصحي وكانت الزحمة ماخذها دورها المهم لما وصلنا شاف وحده متنقبه وقعد يلف وراها وانا معاه.. انا خفت وسحبته ولكنه طلع مو خوّاف مثلي.. راح وراها ولما مشينا مسافة 50 متر البنت عصبت وطالعت صوبنا واول شي قالته: ماعليك ياحمود بتشوف شغلك وقف صاحبي وكأن الكهربا ف جسمه.. قال وا الفشيله هذي اختي الكبيرة(....) عاد انا من الضحك ماقدرت امشي من الموقف دواه يستااااااااااهل حمودي ولحد اليوم اخته تذكرني بذاك الموقف وارجع اضحك. |
ما اجمل القلوب الطيبة عندما تكون البسمات روحها وشعارهااااا ... بصراحة اثلجتم صدورنا ورقصت قلوبنا من تلك المواقف إلا موقفي أنااا ...وبنتي ...كل الحزن والمأسي فيه .. بس للعلم بعد ما إرتحنا وبكم يوم جلسنا نتذكر مجريات الأحداث والحركات اللي صارت فعلا مواقف مضحكة بس ذاك الساع الواحد في وقتها ما يلاحظ .... أكاليل من الإبتسام لقلوبكم |
أم الدرة لمواقف الحزن الحضور دائما ربما أتينا هنا بما يضحك قلوبنا ولكن لا بد أن يكون لها حضور من مواقفي السيئة واللي ما احب انها تتكرر مرة ثانية فترة جلوسي في مستشفى السلطاني كانت من أتعس أيام حياتي طول الفترة وأنا كله أشعات منظار اللي يعرف المنظار تراه يعرفه واللي ما يعرفه ان شاء الله طول عمره ما يشوفه ثلاث ايام وانا كل يوم أشعة منظار وفي اليوم الثاني مرتين صحيح كنت تحت تأثير المخدر لكن كنت أشوف كل شيء وأذكر اني بعد الاشعة رفعت صوتي ع الممرض وأمي تقول أني ضربته لكن انا ما مذكره كنت تحت تأثير المخدر واليوم الثاني وفي أشعة المنظار نفس الممرض واول ما شافني ابتسم وانا حالتي على الله المهم اني أعتذرت منه ومن يومها لحد لحين مستشفى السلطاني ما زرته ولغيت كل مواعيدي عندهم هذا من أسوء مواقفي |
وباااااااااااااااااك عودة لسوالفنــــــــــــــــــــــا مرة ف ايام الجامعة معنا دكتور اردنــــــــــــي وكان هالدكتور شديد بس طيب ..المهم انا كنت احب مادته وايد"مادة الشبكات" ..المهم انا كنت شاطرة فالمادة وفي يوم م الايام قال بعد باكر معكم اختبار جلت له دكتور ما مستعدين ومعنا ضغط اختبارات ..المهم ما رضى .. وانا متعودة اجول كلمة "فديتك "للبنات ... المهم رحنا مع الدكنور المكتب عسى يغير موعد الاختبار يلسنا نتحايل عليه دكتور المادة الفلانية معنا اختبار فيها والمادة 2 معنا اختبار نفس اليوم وانت اختبارك نفس اليوم .. ومن هنا وهناك ووافق ومن الفرحة هههههههههههه الاخت لا شعوريا جلت له فديتك "ههههه موقف محرج مررررررررة ...البنات مسغربات اني اتفدااااه هههههههههه ... |
سوالف حلوووه
أما أني مرره كنت ما نايمه لمدة يومين من ارجع البيت اجهز الاكل وانظف واذاكر حج اليهال والخدامه في اجازه واني وحدي . والمساء مناوبه دوام المهمممم تعبت ورحت وبدون أحساس نمت في وقت الدوام واني جالسه في الكرسي ما حسيت بنفسي وانا طايحه من فوق ويا الفشله الدكتور جالس يجومني وانا هذيك الساعه في سابع نومه ههههههه |
ربي يسعدك قلووووبكـــــــــــــــــــم دوووووم مب يـــــــــــــــــــوم ... ف انتظار سوالفـــــــــــــــــــكم |
موقف يضحكنى من اربع سنوات كلما اتذكر الموقف مرة الأبتسامة تشق الوجه يوم من الأيام يونا ضيوف وهما بدوا وشواب وناس تحب المعازم 3اشخاص كل حد من مكان واحد معاه سيارة والباقين جاين مشي ،ما يكالوا لو تحلف يقولوا شبعنا وهما يوعانين المهم (تقهوا معنا وعزمهم واحد من الحارة شوي بعيد عن بيتنا والضيف معه بكم غمارتين مديل خلها على الله أول ما طلعوا من المجلس الجماعه يتسابقوا على الركبة برع بالبدى أو نهم عاد احترام ،وهذا يحلف انت روح جدام وهذا يحلف انت روح جدام عاد تخيلواااااا كلهم ركبوا خلف بالبدى وراعى السيارة يقول تعالوا ياجماعه السيارة توسع تعالواااا لا تحلفوا، وانا أضحك تصدقوا طحت بالارض أتقلب من الضحك،ولا قادر أنسى الموقف والجماعه ركبوا ورا حتى السايق راح يركب وراهم وتدخلوا حد من الجيران وساق السيارة المهم أكثر من ساعه يتعازمون ويحلفون شفتوا مثل هالموقف.... |
| الساعة الآن 04:00 PM. |
Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir