كتبي سطر وخلى سطر
يمكن تشوفيني هناك
كتبي بها الخط العريض
القلب من دونك مريض
محتاج لك
ولا تقول ما قالت بعد؟!!
ايوووووه
يتعبها الحكي
وتضيق من طول الطريق
خلك ذكي
وقول
ياليت لى قلب ورفيق
عشان ابوح له
واقول
مجنونه انا
احلم بهالعالم كثير

الصمت
 

الصمت برع يطرق الباب
أعيد برع من يفكر بدونه

يعني تحسبوا له معي حساب
وإلا تقوموا كلكم تعذرونه

خلاص ما في شي ينهاب
سئمت من غدر البشر في عيونه

يعنى بساطة كيف تبغون ينساب
نهر الوفي واحنا جماعه نخونه

نقول طاب وجرحنا ليل ما طاب
حسابكم يوم الحشر تدفعونه

صدرى بلد وعيوني انساب
مدفون فيهم كل شي تبونه

حتى حكى حمال حطاب
تلقون ينطركم ويعطي معونه

بس ابعدوا عن درب لحباب
تفصل يدينه تنقطع من متونه

يعنى انتهينا واغلق الباب
صارالذي في بالهم ينسجونه

والصمت برع يطرق الباب
مجنون من يفكر يخونه..

قصيدة البنتلي
 

يحرق حياة البنتلى دور
واللى يسموها هنادي

تعبان دايخ ومخمور
قولى قسم بالله عادي

اصلا انا انسان معذور
عندى تحفض في بلادي

سئمت من زهلقة ديكور
محروق بالمره فوادي

اما بقلبك ومحضور
واما على الدرب غادي

ذاك منفي ومعمور
واهنا حرمتيني رقادي

متعود بلسعة الدبور
زمان يافارس يفادي

حبيت اسجل لة حضور
مليت من هذا التمادي

يغيب متضايق ومقهور
يشوف له ناس جدادي

يحرق حياة البنتلى دور
واللى يسموها هنادي..

أسمع/أسمع
أختلفنا وانتهي نبض الكلام
يرحم الله والديك
لا تزودها معي
إن بغيت تعيش في راح وسلام
أبعد/أبعد
أختيارك
ياعسي ربي يهديك
راس مالى كم وسام،حافظنة لو تبية
الصدق والطيب عندي وشي من بعض الغرام
قلتها لك وانا صادق

مد أيدك خلف أسوار الظلام
تلقي شيٍ ما تشوفة
لكن
اسف
ياخسارة
ياحرام
تهجر القلب الوفي وتروح
ااااه ضيعت الكلام
هذا بس اللى تبية
هذا اللى قدرك ربي علية
ياخي عادي بس قول
انا راضي
كان قلبي ماتبية
شوف لك شخص ثاني
يطعنك بكرة ويروح
واحتفل بالجرح تكفا
لا تبوح
وإن سأل قلبك على
أرجوك قول
أختلفنا يرحم الله والديك
سالم الريسي
روح الشمال

حينما يتاخر
 

قالت :أكتب
قلت: ش اللى اكتبه
قالت:اكتب عن بدور ولا تخاف
اكتب
اكتب
وهذي الصوره عشانك،جايز انها تلهمك شيٍ جديد
وانتظرت
وقلت لحظه
تسحر.. تجنن صورتك
يابدور
العيون تقول روحٍٍٍ ودها تلمك بشوق
والحواجب كالسيوف خنجر بوسط الهدب
وش أقول
الصدر يصرخ كانه مد ايده لسلام
وش أقول
عن شفاتك يالكرز
والعباره تردد نفسها وتقول
قول..قول.

من يملك قلبا مثلة ف هو يستحق أن يحترم بهذا الجنون مثلا
أتمنى أن تحتفي به السماء وتنزل عليه مطرا يشعره بالتميز أو أن ياتى لة بساط الريح وياخذه حيث يشاء أو يلتقي بالمارد والمصباح السحرى ويحقق لة كل امنياته
فقط
من يملك قلبلا مثلة.