الشعر الشعبي: الشاشة للشاعر أنور عبدالله السيفي

 الشاشة
للشاعر أنور عبدالله السيفي

عيني على الشاشه تراقبك يافيت
نسيتني دنياي، وش خلقتك قول؟!

افرش فراش الهم لجلك إذا شيت
حيرت بي عالم وحيرت العقول

بس الأكيد أني لربي ترجيت
ايزول هالمحنه عسى ربي اتزول

حسيت بي رعشة صبر لاتوضيت
مدري إذا حالم او الصدق مجهول

متساويه فيني الحكايه ولا ريت
في واقع الأحداث حجه ومدلول

للعالي السامي رجى اللطف وضيت
في ظل عدله كل ماكان معقول

وارفع كفوفي خايف(ن لاتنبيت
اية نبا في دار الارصاد منقول

يافيت بي روفك على كيف ماجيت
بس الأكيد ان الرجا غير مقبول

قدر مزارك حامي الدار والبيت
حكمة رحيم(ن عنده الأمر مفتول

مالك ياغير الصبر ياصاحبي ليت
والهمه الهمه ايا شعب لك قول

شعب(ن ضرب للكون شدة وتثبيت
شيمه وعزم، اصرار فالعرض والطول